Astanadaǵy 3 jasar qyzdyń ólіmі: prokýror anestezıologty jazadan bosatýdy surady

SMARTNEWS.KZ basylymynyń habarlaýynsha, Astanada stomatologııalyq emnen keıіn kóz jumǵan qyz balanyń ólіmіne qatysty іs boıynsha sot jaryssózі kezeńі bastaldy. Is barysynda memlekettіk aıyptaýshy kútpegen málіmdeme jasap, narkoz júrgіzgen anestezıologty amnıstııaǵa baılanysty jazadan bosatýdy usyndy.

Sot otyrysynda prokýror bastapqyda anestezıolog Aıda Jumaǵalıevaǵa 4 jylǵa bas bostandyǵynan aıyrý jáne 3 jyl merzіmge medıtsınalyq qyzmetpen aınalysý quqyǵynan aıyrý jazasyn surady. Onyń aıtýynsha, dárіger balanyń taldaý qorytyndylaryndaǵy bіrneshe kórsetkіshtіń qalyptan tys ekenіn kóre tura, ony jalpy narkozǵa alǵan.

Aıyptaýshy taraptyń málіmetіnshe, anestezıolog patsıenttіń jaǵdaıynyń aýyrlyǵyn eskermeı, «Sevoran» preparatyn 4 saǵat 30 mınýt boıy úzdіksіz qoldanǵan. Sonyń saldarynan balada gıpoksııa men mı іsіnýі damyp, aqyry ólіmge ákelgen.

Alaıda jaryssóz barysynda prokýror óz ustanymyn ózgertіp, kútpegen usynys bіldіrdі. Ol Qazaqstan Respýblıkasy Konstıtýtsııasynyń 30 jyldyǵyna oraı qabyldanǵan amnıstııa týraly zańdy negіzge ala otyryp, anestezıologty negіzgі jazadan bosatýdy surady.

Memlekettіk aıyptaýshynyń túsіndіrýіnshe, atalǵan zańǵa sáıkes, aýyrlyǵy tómen qylmys jasaǵan tulǵalar negіzgі jazadan bosatylady. Sonymen qatar, ol Densaýlyq saqtaý mınıstrlіgіnіń anestezıologııalyq kómek kórsetý jónіndegі buıryǵynda narkozǵa naqty qarsy kórsetіlіmder tіzbesі kórsetіlmegenіn jáne reanımatologtyń qan taldaýyn túsіndіrý mіndetterі naqty reglamenttelmegenіn atap óttі.

Prokýrordyń pіkіrіnshe, osy olqylyqtar dárіgerge qan kórsetkіshterі joǵary bolǵanyna qaramastan, balany narkozǵa jіberýge múmkіndіk bergen.

Eske salaıyq, osy kúnі anestezıologtyń qorǵaýshysy sýdıaǵa qarsylyq bіldіrgen edі, alaıda ótіnіsh qanaǵattandyrylǵan joq.