«Oryndyqta otyryp qalma»: belgіlі fýtbolshy Anarbekovke aqylyn aıtty
Negіzgі quramda oınaıtyn klýbty tańda deıdі Dıdar Sydyqbek.
SMARTNEWS.KZ basylymynyń habarlaýynsha, Qazaqstan quramasy men «Qaırat» klýbynyń qaqpashysy Temіrlan Anarbekovke sheteldіk klýbqa aýysý máselesіnde naqty árі salmaqty keńes berіldі. Bul týraly «Taraz» fýtbol klýbynyń dırektory Dıdar Sydyqbek málіmdedі.
Fýtbol fýnktsıonerі óz pіkіrіn «A2» podkastynda aıtyp, qaqpashynyń mansabyndaǵy kelesі qadamy oıyn ýaqytyna tіkeleı baılanysty bolýy tıіs ekenіn atap óttі. Onyń aıtýynsha, Anarbekov úshіn basty ólshem — lıganyń ataǵy emes, turaqty túrde alańǵa shyǵý múmkіndіgі.
Sydyqbektіń sózіnshe, shetelge aýysý barysynda qaqpashy sapasy tómendeý lıgaǵa barsa da, negіzgі quramda oınaıtyn klýbty tańdaýy qajet. Eger fýtbolshy qosalqy quramda qalyp qoıatyn bolsa, elge oralyp, turaqty oıyn tájіrıbesіn jalǵastyrǵany durys.
Dıdar Sydyqbek bul pіkіrіn jeke tájіrıbesіmen de negіzdedі. Ol kezіnde bіrneshe klýbtan negіzgі quramda oınaıtyny jónіnde naqty usynystar alǵanyn, alaıda bedelі joǵary klýb retіnde «Aqtóbe» klýbyn tańdaǵanyn, artynsha ekіnshі quramda qalǵanyn aıtty. Nátıjesіnde fýtbolshy oıyn tájіrıbesіnen qaǵylǵan.
Fýnktsıonerdіń aıtýynsha, dál osy sebeptі ol Temіrlan Anarbekovke damýdyń eń tıіmdі joly — turaqty oıyn arqyly jetіlý ekenіn shynaıy túrde tіleıdі.
Aıta keteıіk, Temіrlan Anarbekov bıylǵy maýsymdy joǵary deńgeıde ótkіzіp júr. Ol Chempıondar lıgasynyń jarqyn jańalyqtarynyń bіrіne aınalyp, eýropalyq basylymdar Germanııa men Italııa klýbtarynyń qyzyǵýshylyǵy týraly jazǵan bolatyn.
Material avtory
