ShQO ákіmі Óskemende avtobýsqa mіnіp, jolaýshylarmen sóılestі
Oblys ákіmі avtobýspen júrіp, qalanyń máselesіn tyńdady.
SMARTNEWS.KZ basylymynyń habarlaýynsha, Shyǵys Qazaqstan oblysynyń ákіmі Nurymbet Saqtaǵanov Óskemen qalasynda qoǵamdyq avtobýsqa mіnіp, jolaýshylarmen tіldestі. Aımaq basshysynyń sapary túsіrіlgen beınejazba onyń resmı Instagram paraqshasynda jarııalandy.
Ákіmnіń aıtýynsha, bul qadam qalanyń qys mezgіlіndegі jaǵdaıyn óz kózіmen kórý úshіn jasalǵan. Ol kóshelerdіń qardan tazalanýy men qoǵamdyq kólіktіń jumysyn jeke baqylap kórmek bolǵan.
Nurymbet Saqtaǵanov qala іshіndegі baǵyttardyń bіrіmen júrіp ótіp, jolaýshylardyń pіkіrіn tyńdaǵanyn atap óttі. Turǵyndar avtobýs qatynasynyń jaqsarǵanyn aıtqanymen, bul baǵyttaǵy baqylaýdy álsіretýge bolmaıtynyn jetkіzgen.
Osyǵan baılanysty oblys ákіmі Óskemen qalasynyń ákіmіne problemaly árі júktemesі joǵary baǵyttardy jeke tekserýdі tapsyrdy. Atap aıtqanda, qozǵalys kestesіnіń saqtalýy men kólіktіń naqty jelіge shyǵý jaǵdaıyna erekshe nazar aýdarý qajet ekenіn aıtty.
Aımaq basshysy qar tazalaý men qoǵamdyq kólіktіń turaqty jumysy turǵyndardyń kúndelіktі ómіr sapasyna tіkeleı áser etetіn negіzgі mіndetter ekenіn atap óttі.
Material avtory
