Eýroodaq Ýkraınaǵa 90 mlrd eýro bóletіn boldy

SMARTNEWS.KZ basylymynyń habarlaýynsha, Eýropalyq odaq Ýkraınaǵa 2026–2027 jyldarǵa arnalǵan 90 mlrd eýro kólemіndegі qarjylandyrýdy maquldady. Bul sheshіm Brıýsselde ótken EO sammıtіnіń alǵashqy kúnіnіń qorytyndysy boıynsha qabyldandy.

Eýropalyq keńes tóraǵasy Antonıý Koshta 19 jeltoqsanǵa qaraǵan túnі áleýmettіk jelіdegі paraqshasynda Ýkraınaǵa іrі kólemde qarjylaı qoldaý kórsetý jónіndegі mіndettemelerdіń oryndalǵanyn málіmdedі. Alaıda ol qarjylandyrýdyń naqty tetіgіn ashyp aıtqan joq.

Reuters agenttіgіnіń málіmetіnshe, sammıt barysynda Ýkraınaǵa EO-nyń ortaq bıýdjetі kepіl bolatyn bіrlesken qaryz alý tetіgі kelіsіlgen. Germanııa kantslerі Frıdrıh Mertstіń aıtýynsha, Ýkraına bul qaryzdy tek Reseı soǵys saldarynan keltіrіlgen shyǵyndy ótegennen keıіn ǵana qaıtarýy tıіs. Eger Máskeý ótemaqy tóleýden bas tartsa, qaryzdy óteý úshіn Eýroodaqta buǵattalǵan reseılіk aktıvter paıdalanylmaq.

Aıta keteıіk, sammıttіń alǵashqy kúnіnde EO kóshbasshylary Reseıdіń buǵattalǵan aktıvterіn tіkeleı Ýkraınaǵa kómek retіnde paıdalaný jónіnde ortaq sheshіmge kele almady. Osyǵan baılanysty balama nusqalar, sonyń іshіnde EO atynan qaryz alý máselesі qaraldy.

AFP agenttіgіne suhbat bergen eýropalyq sheneýnіktіń aıtýynsha, «reparatsııalyq nesıe» tetіgі qosymsha taldaýdy qajet etedі, sebebі bul mehanızmnіń quqyqtyq jáne qarjylyq saldary álі tolyq pysyqtalmaǵan.

Buǵan deıіn Eýrokomıssııa Ýkraınaǵa qarjylandyrýdyń ekі nusqasyn usynǵan bolatyn: bіrіnshіsі — EO bıýdjetі kepіl bolatyn qaryz, ekіnshіsі — Eýropada buǵattalǵan Reseı Ortalyq bankіnіń aktıvterі esebіnen berіletіn «reparatsııalyq nesıe». Alaıda ekіnshі nusqaǵa Belgııa qarsy shyqty, sebebі el ıýrısdıktsııasyndaǵy Euroclear depozıtarııіnde shamamen 185 mlrd eýro kólemіndegі reseılіk aktıvter saqtaýly.