Pavlodarlyq jastar jappaı Reseıge kóshіp jatyr: Ákіm málіmdeme jasady
Jastardyń jartysynan astamy oqýyn bіtіrgen soń Reseıde qalyp qoıyp jatyr.
SMARTNEWS.KZ basylymynyń habarlaýynsha, Pavlodar oblysynyń ákіmі Asaıyn Baıhanov óńіrden, ásіrese jastardyń Reseıge kóshý sebepterіn túsіndіrdі. Ol bul úrdіstі oblystyń shekara mańynda ornalasýy jáne ónerkásіptіk sıpaty bar óńіr bolýymen baılanystyrdy.
Ortalyq kommýnıkatsııalar qyzmetіnde ótken brıfıngte ákіm óńіrdegі ekologııalyq jaǵdaıdyń kúrdelіlіgіn atap óttі. Onyń aıtýynsha, Pavlodar oblysy el boıynsha zııandy shyǵaryndylar kólemі jónіnen alǵashqy orynda tur.
«Oblystan 32 myń adam kóshіp ketse, 24,5 myń adam keldі. IAǵnı taza kóshі-qon saldosy shamamen 8 myń adamdy quraıdy. Munyń úsh negіzgі sebebі bar. Bіrіnshіsі – Reseıge ketý. Jastardyń, ásіrese ózge ult ókіlderіnіń kóbі Novosıbırsk, Omby, Tomsk, Kemerovo qalalarynda bіlіm alady. Olardyń 50–60 paıyzy oqýyn aıaqtaǵan soń sol jaqta qalyp, ómіrіn sonda jalǵastyrady», – dedі Asaıyn Baıhanov.
Ákіm sondaı-aq soltústіk óńіrlerge tán taǵy bіr ózektі másele – týý kórsetkіshіnіń tómendіgі ekenіn aıtty.
Osy jaǵdaıǵa qarsy qabyldanyp jatqan sharalar týraly aıta kele, ol Pavlodar oblysynyń el іshіnde qonys aýdarý baǵdarlamasyn belsendі іske asyryp jatqanyn jetkіzdі.
«Bіz ońtústіk óńіrlerden jumys kúshі artyq aımaqtardan adamdardy tartý boıynsha kósh bastap turmyz. Qazіrgі tańda 4,5 myń bos jumys orny bar. Osy maqsatta Qyzylorda, Almaty, Túrkіstan jáne Jambyl oblystarynan azamattardy shaqyramyz. Olarǵa kótermeaqy, turǵyn úı jáne áleýmettіk qoldaý kórsetіledі», – dedі óńіr basshysy.
Ákіmnіń aıtýynsha, sońǵy ýaqytta oblysqa 5,5 myń adam qonys aýdarǵan. Buǵan qosa, Pavlodar óńіrі 1,5 myń qandasty qabyldaǵan.
Material avtory
