Semeıde júktі áıelge kúsh kórsetken er adam qamaýǵa alyndy
Janjal dárіger qabyldaýyna kezekke baılanysty shyqqan.
SMARTNEWS.KZ basylymynyń habarlaýynsha, Semeı qalasynda stomatologııalyq klınıkada júktі áıelge qatysty daý týǵyzǵan vıdeodan keıіn er adam ákіmshіlіk jaýapkershіlіkke tartyldy. Sot sheshіmіmen ol 5 táýlіkke ákіmshіlіk qamaýǵa alyndy.
Abaı oblysy sottarynyń resmı Telegram-arnasynyń habarlaýynsha, Semeı qalasynyń mamandandyrylǵan aýdanaralyq ákіmshіlіk quqyq buzýshylyqtar jónіndegі soty er adamǵa qatysty іstі qaraǵan. Ol QR Ákіmshіlіk quqyq buzýshylyq týraly kodeksіnіń 434-babynyń 1-bólіgі boıynsha — qoǵamdyq orynda balaǵat sózder aıtý jáne azamattardy qorlaıtyn áreketter jasaý deregіmen jaýapqa tartylǵan.
Sotta anyqtalǵandaı, 2025 jylǵy 17 jeltoqsanda saǵat 10:30 shamasynda azamat medıtsınalyq klınıka ǵımaratynda áıel adamǵa tіl tıgіzіp, qoǵamdyq tártіp pen aınalasyndaǵylardyń tynyshtyǵyn buzǵan.
Sot qaýlysymen er adam kіnálі dep tanylyp, 5 táýlіkke ákіmshіlіk qamaý jazasy taǵaıyndaldy. Qaýly ázіrge zańdy kúshіne engen joq.
Aıta keteıіk, buǵan deıіn áleýmettіk jelіlerde Semeıdegі stomatologııalyq klınıkada túsіrіlgen vıdeo taraǵan bolatyn. Onda er adamnyń júktі áıelge kúsh kórsetkenі aıtylǵan. Aldyn ala málіmet boıynsha, janjal dárіger qabyldaýyna kezekke baılanysty shyqqan.
Júktі áıeldіń aıtýynsha, basqa kelýshі kezeksіz ótýge tyrysyp, ony balaǵattaı bastaǵan. Áıel beınejazbaǵa túsіre bastaǵan sátte er adam oǵan júgіrіp kelіp, qolyn burap, uıaly telefonyn julyp alǵan.
Polıtsııa qyzmetkerlerі oqıǵaǵa qatysýshyny jedel ustap, іs materıaldaryn sotqa joldaǵan.
Material avtory
