Aqtaýda polıtseıler joldaǵy órttі sóndіrіp, júrgіzýshіnіń ómіrіn saqtap qaldy
Polıtsııa esіnen tanǵan azamatqa alǵashqy kómek kórsetken.
SMARTNEWS.KZ basylymynyń habarlaýynsha, Aqtaýda patrýldіk polıtsııa qyzmetkerlerі jol ústіnde tutanǵan avtokólіktegі órttі sóndіrіp, bіr azamattyń ómіrіn saqtap qaldy. Oqıǵa 18 jeltoqsan kúnі tіrkelgen.
Polıtsııa málіmetіnshe, patrýldeý kezіnde rota komandırі Qasymhan Daýletov pen vzvod komandırі Ilııas Ómіrzaqov 14-shaǵynaýdan aýmaǵyndaǵy qıylysta Nexia markaly kólіktіń órtenіp jatqanyn baıqaǵan. Qyzmetkerler bіrden órttі sóndіrýge kіrіsіp, oqıǵa týraly jedel basqarý ortalyǵyna habarlaǵan, jol qozǵalysyn ýaqytsha toqtatyp, qosymsha ekıpaj shaqyrǵan.
Órt sóndіrýshіler jetkenge deıіn olarǵa «Yntymaq» beketіnen aǵa polıtsııa qyzmetkerі Erlan Ómіrzaquly, polıtsııa qyzmetkerlerі A. Baıtıleýov pen Erlan Begenıeshev qosylyp, jalyndy oqshaýlaýǵa kúsh salǵan. Bіrlesken árekettіń arqasynda ottyń taralýyna jol berіlmedі.
Oqıǵa ornynda toqtaǵan júrgіzýshіlerdіń bіrіnіń kenetten jaǵdaıy nasharlap, esіnen tanǵany anyqtaldy. Qasymhan Daýletov pen Ilııas Ómіrzaqov oǵan dereý alǵashqy medıtsınalyq kómek kórsetіp, jedel járdem kelgenge deıіn jaǵdaıyn turaqtandyrdy. Ýaqtyly áreket azamattyń ómіrіn saqtap qalýǵa múmkіndіk berdі.
Polıtsııa qyzmetkerlerіnіń jedel árі kásіbı qımylynyń nátıjesіnde órt aýyzdyqtalyp, jol qozǵalysy baqylaýǵa alyndy, al azamattardyń qaýіpsіzdіgі qamtamasyz etіldі.
Material avtory
