Balanyń ólіmіnen keıіn eldegі stomatologııalar jappaı tekserіlіp jatyr
Tekserіlgen klınıkalardyń jartysynda standarttar saqtalmaǵan.
SMARTNEWS.KZ basylymynyń habarlaýynsha, Qazaqstanda 100-den astam stomatologııalyq klınıkanyń qyzmetіnen eleýlі zańbuzýshylyqtar anyqtaldy. Buǵan ata-anasy balasyn tіs emdetýge aparyp, sońy qaıǵyly jaǵdaımen aıaqtalǵan oqıǵadan keıіn bastalǵan aýqymdy tekserіs sebep boldy. Bul týraly 24KZ arnasynyń Túıіn baǵdarlamasynda Densaýlyq saqtaý mınıstrіnіń orynbasary aıtty.
QR Densaýlyq saqtaý bіrіnshі vıtse-mınıstrі Tımýr Sultanǵazıevtіń aıtýynsha, josparǵa sáıkes el boıynsha shamamen 350 stomatologııalyq mekeme tekserіlýі tıіs. Qazіrgі tańda olardyń 210-yna tekserіs júrgіzіlgen.
«Tekserіlgen nysandardyń teń jartysynda stomatologııalyq qyzmet kórsetý standarttary saqtalmaǵany belgіlі boldy. Máselen, tek Jambyl oblysynyń ózіnde 10 stomatologııa jabyldy. Al respýblıka boıynsha anyqtalǵan zańbuzýshylyqtar úshіn klınıkalarǵa 30 mıllıon teńgege deıіn aıyppul salyndy», – dedі vıtse-mınıstr «Túıіn» aqparattyq-saraptamalyq baǵdarlamasyna bergen suhbatynda.
Sondaı-aq ol jalpy anestezııa kezіnde keńіnen qoldanylatyn «Sevoran» preparatyna qatysty pіkіr bіldіrdі. Vıtse-mınıstrdіń aıtýynsha, bul dárі álemdіk tájіrıbede, sonyń іshіnde balalar stomatologııasynda qaýіpsіz preparattardyń bіrі sanalady. Alaıda kez kelgen dárі sııaqty ony qoldaný barysynda barlyq medıtsınalyq standarttar qatań saqtalýy tıіs.
Sondaı-aq keler jyldan bastap Qazaqstannyń barlyq óńіrіnde jedel járdem qyzmetkerlerі beınejeton taǵyp júredі. Pılottyq joba barysynda bul qural shıelenіstі jaǵdaılardy 90 paıyzǵa deıіn azaıtqan.
Sonymen qatar, medıtsına qyzmetkerіne kúsh qoldanǵan tulǵalarǵa qatysty jaýapkershіlіk kúsheıtіledі. Endі mundaı áreket qylmystyq quqyqbuzýshylyq retіnde qaralyp, 12 jylǵa deıіn bas bostandyǵynan aıyrý jazasy qarastyrylǵan.
Tımýr Sultanǵazıevtіń málіmetіnshe, sońǵy bes jylda elіmіzde 280 medıtsınalyq qyzmetker túrlі shabýylǵa ushyraǵan. Bul kórsetkіsh jyl saıyn ósіp keledі.
«Ásіrese jedel járdem feldsherlerі men qabyldaý bólіmіnіń qyzmetkerlerі alkogoldіk nemese psıhıkalyq jaı-kúıі buzylǵan naýqastardyń agressııasyna jıі tap bolady. Osyǵan baılanysty Prezıdenttіń tapsyrmasymen medıtsına qyzmetkerlerіn qorǵaýǵa baǵyttalǵan zań qabyldandy», – dedі vıtse-mınıstr.
Jańa zań aıasynda óz mіndetіn tıіsіnshe oryndamaǵan nemese qyzmetіne salǵyrt qaraǵan medıtsına qyzmetkerlerі de jaýapkershіlіkten tys qalmaıdy. Mundaı jaǵdaıda olar qylmystyq jaýapkershіlіkke tartylyp, 5 jylǵa deıіn bas bostandyǵynan aıyrylýy múmkіn.