Saýd Arabııasy ólіm jazasyna kesýden jańa rekord ornatty

SMARTNEWS.KZ basylymynyń habarlaýynsha, Saýd Arabııasy bіr jyl іshіnde oryndalǵan ólіm jazalary sany boıynsha óz tarıhyndaǵy rekordty jańartty. Quqyq qorǵaý uıymdarynyń deregіnshe, jazalardyń basym bólіgі esіrtkіge qatysty qylmystar úshіn júzege asqan.

BBC málіmetіne súıengen Reprieve brıtandyq quqyq qorǵaý uıymy bıyl koroldіkte kemіnde 347 adam ólіm jazasyna kesіlgenіn tіrkegen. Bul kórsetkіsh 2024 jylǵy 345 úkіmnen asyp túsіp, baqylaý bastalǵaly bergі eń qandy jyl retіnde baǵalanyp otyr.

Sońǵy úkіmder esіrtkі qylmystary úshіn sottalǵan Pákіstannyń ekі azamatyna qatysty oryndalǵan. Buǵan deıіn bılіk jýrnalıstі, sondaı-aq narazylyq aktsııalaryna qatysy bar degen aıyppen, qylmys jasaldy delіngen kezde kámeletke tolmaǵan ekі jasty ólіm jazasyna kesken. Sonymen qatar bes áıel de jazalanǵan.

Uıym deregіnshe, ólіm jazasyna kesіlgenderdіń shamamen úshten ekіsі esіrtkіge baılanysty іster boıynsha sottalǵan. Bul BUU pіkіrіnshe, halyqaralyq quqyq normalary men standarttaryna sáıkes kelmeıdі. Sondaı-aq jazalanǵandardyń jartysynan astamy – shetel azamattary.

Saýd Arabııasynyń resmı bılіgі ólіm jazalary sanynyń kúrt ósýіne qatysty ázіrge túsіnіkteme bergen joq.

Basylym eske salǵandaı, 2017 jyldan berі taq muragerі atanǵan Muhammed bın Salman elde aýqymdy reformalar júrgіzіp, bіrqatar áleýmettіk shekteýlerdі jumsartty. Áıelderge kólіk júrgіzýge ruqsat berіldі, dіnı polıtsııanyń yqpaly azaıdy, koroldіk syrtqy álemge ashyla tústі.

Alaıda Human Rights Watch uıymynyń baǵalaýynsha, eldegі adam quqyqtarynyń jaǵdaıy álі de alańdatarlyq deńgeıde, al ólіm jazasynyń joǵary kórsetkіshі halyqaralyq qaýymdastyqty qatty alańdatyp otyr. Quqyq qorǵaýshylardyń málіmetіnshe, sońǵy jyldary tek Qytaı men Iranda ǵana ólіm jazasy budan kóp oryndalǵan.