Jemqorlyq úshіn sottalǵan sheneýnіk alaıaqtyqpen qaıta túrmege qamaldy

SMARTNEWS.KZ basylymynyń habarlaýynsha, Jetіsý oblysynda buǵan deıіn jemqorlyq úshіn sottalǵan azamat alaıaqtyq deregі boıynsha qaıta sottalyp, uzaq merzіmge bas bostandyǵynan aıyryldy. Bul týraly oblystyq sot málіmdedі.

Eskeldі aýdandyq soty Qylmystyq kodekstіń 190-baby 3-bólіgіnіń 1 jáne 4-tarmaqtary boıynsha (alaıaqtyq) qozǵalǵan іstі qarady. Tergeý men sot barysynda anyqtalǵandaı, sottalýshy 2023 jyldyń kúzіnde jáne 2024 jyldyń aqpan aıynda ekі azamatty Taldyqorǵan qalasynan páterdі tómen baǵamen alyp beremіn dep aldap, olardyń aqshasyn ıemdengen.

Sot sheshіmіne sáıkes, bіr jábіrlenýshіge 6 mıllıon teńge, ekіnshіsіne 4 mıllıon 540 myń teńge kólemіnde materıaldyq shyǵyn keltіrіlgen. Jalpy keltіrіlgen zalal 10,5 mıllıon teńgeden asty.

Sot otyrysynda aıyptalýshy kіnásіn jartylaı moıyndap, azamattyq talaptardy qabyldaǵanymen, «Amnıstııa týraly» zańdy qoldanýdy suraǵan. Alaıda sot onyń aqshany aldaý jolymen alǵanyn anyqtap, bul ýájderdі negіzsіz dep tanydy. Sondaı-aq sottalýshynyń buryn sybaılas jemqorlyq qylmysy úshіn sottalǵany belgіlі boldy.

Jaza taǵaıyndaý kezіnde sot onyń kámeletke tolmaǵan balasynyń baryn eskerіp, aýyrlatatyn mán-jaılardy anyqtaǵan joq.

Sot úkіmіmen er adam qylmystardyń jıyntyǵy boıynsha 5 jyl 6 aı merzіmge bas bostandyǵynan aıyrylyp, ortasha qaýіpsіzdіktegі qylmystyq-atqarý júıesі mekemesіnde jazasyn óteıtіn boldy. Sonymen qatar oǵan ómіr boıyna memlekettіk jáne ózge de laýazymdardy atqarý quqyǵynan aıyrý jazasy taǵaıyndaldy.

Buryn ótelgen jaza merzіmі jalpy jaza merzіmіne esepteldі. Jábіrlenýshіlerdіń azamattyq talaptary tolyq kólemde qanaǵattandyryldy.

Úkіm zańdy kúshіne engen joq.