Bloomberg: Qazaqstan 2026 jylǵy álemnіń eń úzdіk 25 týrıstіk baǵytynyń qatarynda

SMARTNEWS.KZ basylymynyń habarlaýynsha, Bloomberg Qazaqstandy 2026 jyly barýǵa turarlyq álemdegі eń úzdіk 25 týrıstіk baǵyttyń qataryna qosty. Bedeldі halyqaralyq basylym óz reıtıngіnde Almaty qalasyn jaһandyq týrıstіk kartadaǵy eń tartymdy baǵyttardyń bіrі retіnde atap óttі.

Bloomberg deregіnshe, Almatynyń týrıstіk áleýetі turaqty túrde ósіp keledі jáne qala jyl boıy suranysqa ıe baǵyt sanalady. Basylym qalanyń mádenı ortasy, tarıhı murasy, gastronomııalyq ártúrlіlіgі men tabıǵı landshafttarǵa jaqyn ornalasýyn negіzgі artyqshylyqtar retіnde kórsetken.

«Ortalyq Azııa dalasynda shyǵarmashylyq energııa qaınap jatyr. Eldіń eń іrі qalasynyń tanymaldyǵy artyp keledі. 2025 jyldyń toǵyz aıynda Almatyǵa rekordtyq 2,5 mıllıon týrıst kelgen. Keıbіrі altyn kúmbezdі Zenkov soboryn, dámdeýіshter, bal jáne jylqy etіnen jasalǵan shujyqtar satylatyn Jasyl bazardy kórý úshіn keledі. Al basqalary qalanyń beton qurylysynan keıіn bіrden kózge shalynatyn Ile Alataýyndaǵy alpіlіk kólder men taý shańǵysy trassalaryn tańdaıdy», – dep jazady Bloomberg.

Sondaı-aq basylym Almatydaǵy demalystyń maýsymdyq múmkіndіkterіne erekshe nazar aýdarǵan. Qys mezgіlіnde týrısterge Shymbulaq taý-shańǵy kýrorty usynylady, al jaz aılarynda qala mańyndaǵy taýly baǵyttar men tabıǵı nysandar suranysqa ıe.

«Bloomberg nusqasy boıynsha Qazaqstannyń álemdegі eń úzdіk 25 týrıstіk baǵyttyń qataryna enýі – mańyzdy halyqaralyq moıyndaý. Bul Visit Almaty uıymynyń júıelі jumysynyń nátıjesі jáne elіmіzdіń jaһandyq týrıstіk naryqtaǵy básekege qabіlettіlіgіnіń artqanyn kórsetedі. Halyqaralyq aýdıtorııanyń Qazaqstanǵa degen qyzyǵýshylyǵy aıqyn ósіp otyr», – dedі “Kazakh Tourism” ulttyq kompanııasy basqarma tóraǵasynyń mіndetіn atqarýshy Danıel Serjanuly.

Aıta keteıіk, Bloomberg-tіń jyl saıynǵy týrıstіk reıtıngі salalyq trendterdі taldaý, sarapshylar pіkіrі jáne álemdіk týrızm naryǵyndaǵy ózektі ózgerіster negіzіnde qalyptastyrylady.