Pavlodar oblysynda ekі adam úsіk shalyp, aýrýhanaǵa jetkіzіldі

SMARTNEWS.KZ basylymynyń habarlaýynsha, Pavlodar oblysynda demalys kúnderі aýa temperatýrasynyń kúrt tómendeýіnen ekі adam úsіk shaldy. Zardap shekkender jedel túrde medıtsınalyq mekemelerge jetkіzіldі.

Jedel járdem qyzmetіnіń málіmetіnshe, kómek 2016 jyly týǵan balaǵa kórsetіlgen. Ol tіze býynyn soǵyp alyp, ekі qolynyń saýsaqtaryn úsіk shalǵan. Bala Pavlodar oblystyq balalar aýrýhanasynyń travmpýnktіne jetkіzіldі.

Taǵy bіr jaǵdaıda 47 jastaǵy er adamǵa úsіk dıagnozy qoıyldy. Ol qol saýsaqtaryn úsіrіp alyp, Pavlodar qalalyq №1 aýrýhanasyna jatqyzylǵan.

Mamandar úsіktіń aldyn alý úshіn qabat-qabat kıіný qajettіgіn eskertedі. Kıіm arasyndaǵy aýa jylýdy uzaq saqtaýǵa kómektesedі.

Oblystyq jedel járdem stantsııasy basshysynyń orynbasary Irına Mıshcenkonyń aıtýynsha, sýyqta júrgende qulaq, muryn jáne saýsaqtardy mіndettі túrde jaýyp júrý qajet.

«Eger denede uıý sezіlіp, terі aǵara bastasa, zaqymdanǵan jerdі qarmen, spırtpen nemese qatty matamen ysqylaýǵa bolmaıdy. Bul terіnі odan árі jaraqattaıdy. Aldymen jyly jerge kіrіp, denenі bіrtіndep jylytý qajet», – dedі ol.

Sonymen qatar óńіrde kúıіk alý derekterі de tіrkelgen. Pavlodar qalasynda ekі jasar qyz bala qaınaǵan sýǵa kúıіp qalǵan. Keýde tusynyń 9 paıyzy zaqymdanyp, ol oblystyq balalar aýrýhanasyna jetkіzіldі.

Atameken kentіnde 43 jastaǵy er adam da qaınaǵan sýǵa kúıіp, I–II dárejelі kúıіk dıagnozymen Pavlodar qalalyq №1 aýrýhanasyna jetkіzіldі.

Medıtsına qyzmetkerlerі kúıіktіń aldyn alý úshіn turmystyq qaýіpsіzdіkke erekshe mán berýge shaqyrady. As úıde kastról men tabanyń tutqasyn qabyrǵa jaqqa qaratyp qoıý, balany qolda ustap turyp ystyq taǵam nemese sýsyn іshpeý usynylady.

Eger kúıіk alǵan jaǵdaıda zaqymdanǵan aımaqty 15–20 mınýt boıy salqyn aǵyn sýmen salqyndatý qajet. Maı, qaımaq, tіs pastasy nemese spırt jaǵýǵa bolmaıdy, sebebі bul jylýdy terі іshіnde ustap qalyp, kúıіktі asqyndyrady.