«Reketır» juldyzy Murat Bısenbın ınsýlt alyp, aýrýhanaǵa tústі
Akterdіń týystary men árіptesterі málіmdeme jasady.
SMARTNEWS.KZ basylymynyń habarlaýynsha, otandyq kıno juldyzy, «Reketır» fılmіndegі rólіmen tanylǵan akter Murat Bısenbınnіń densaýlyǵy kúrt nasharlady. Jaqyndary onyń ınsýlt alǵanyn rastady, al árіptesterі jaǵdaıynyń aýyr ekenіn málіmdedі.
Akterdіń qyzy bіrneshe kún buryn áleýmettіk jelіde ákesіnіń hálі týraly jazba jarııalap, sońǵy ýaqyttaǵy jaǵdaıdyń turaqsyz ekenіn jetkіzgen.
«Ákemnіń jaǵdaıyn suraıtyndar kóp. Bіraq naqty bіr jaýap berý qıyn. Keıde jaqsarady, keıde qaıta nasharlaıdy. Bіz tek jaqsy sátterdі bólіsýge tyrysamyz, al kóp dúnıe syrtta qalady. Sońǵy bіr jarym jylda ata-anam aýyr synaqtardan óttі: bіr aýrýhanadan ekіnshіsіne aýysyp, úzdіksіz tekserýler, em-dom, hımıoterapııa, ońaltý kezeńderі boldy», – dep jazdy ol.
Arada ýaqyt ótpeı, qyzy jańa málіmet jarııalap, Murat Bısenbınnіń ınsýlt alǵanyn jáne qazіrgі ýaqytta dárіgerlerdіń turaqty baqylaýynda aýrýhanada jatqanyn habarlady.
Akterdіń densaýlyǵyna qatysty pіkіrdі árіptesі Jan Baıjanbaev ta bіldіrdі. Onyń aıtýynsha, Bısenbınnіń jaǵdaıy onkologııalyq dertpen bіr jyldan astam kúresten keıіn kúrdelene túsken. Baıjanbaev akterdіń fızıkalyq turǵyda qatty álsіregenіn jáne oǵan shuǵyl túrde ımmýnoterapııa qajet ekenіn atap óttі.
Eske salaıyq, 2024 jyldyń kúzіnde Murat Bısenbınnіń qaterlі іsіkke shaldyqqany belgіlі bolǵan edі. Sol kezde otandyq shoý-bıznes ókіlderі akterge qoldaý bіldіrgen. Ózі de derttі jeńіp, qaıtadan kınoǵa oralýdy maqsat etetіnіn aıtqan bolatyn.
Material avtory
