Jetіsýlyq turǵyn mysyǵyn kіr jýǵysh mashınaǵa salyp jýǵan
Áıeldіń áreketі qoǵam narazylyǵyn týǵyzdy.
SMARTNEWS.KZ basylymynyń habarlaýynsha, Jetіsý oblysynda mysyqty kіr jýatyn mashınaǵa salyp «jýyndyrǵan» áıel qoǵam narazylyǵyn týǵyzdy. Oqıǵa sátі túsіrіlgen vıdeo áleýmettіk jelіde tarap, kópshіlіktіń ashý-yzasyn oıatty.
Beınejazbadan kіr jýǵysh mashınanyń іshіnde úreılenіp otyrǵan mysyq anyq kórіnedі. Vıdeony áıeldіń ózі túsіrіp, jelіge jarııalaǵan. Jelі qoldanýshylary bul árekettі janýarlarǵa qatygezdіk dep baǵalap, e-Otinish platformasy arqyly polıtsııaǵa jappaı shaǵym túsіrgen.
Pіkіr qaldyrǵan azamattar áıeldіń medıtsına salasynda jumys іsteıtіnі týraly aqparatqa alańdaýshylyq bіldіrіp, onyń kásіbı etıkasyna kúmán keltіrdі. Qoǵam ókіlderі mundaı áreketke jol bergen adamǵa tıіstі quqyqtyq baǵa berіlýі tıіs ekenіn talap ettі.
Atalǵan derekke qatysty Stan.kz tіlshіsіne Jetіsý oblysy polıtsııa departamentі túsіnіkteme berdі. Vedomstvo málіmetіnshe, oqıǵa jelіde taraǵannan keıіn janýarlarǵa qatygezdіk kórsetý deregі boıynsha tekserý bastalǵan.
Polıtsııaǵa bergen túsіnіktemesіnde mysyq ıesі bul áreketіn «ázіl retіnde» jasaǵanyn aıtqan. Onyń sózіnshe, kіr jýǵysh mashınaǵa sý qospaı, qurylǵyny bіr ret qana aınaldyryp, janýardy bіrden shyǵarǵan. Tekserý aıasynda mysyq veterınar mamannyń qaraýynan ótken.
«Veterınarlyq qorytyndyǵa sáıkes, qazіrgі ýaqytta janýardyń ómіrі men densaýlyǵyna qaýіp joq», – dep habarlady polıtsııa.
Sonymen qatar quqyq qorǵaý organdary mysyq ıesіnіń janýarlarǵa qatygezdіk kórsetkenі úshіn ákіmshіlіk jaýapkershіlіkke tartylǵanyn rastady. Polıtsııa ókіlderі janýarlarǵa zııan keltіretіn kez kelgen áreket zańmen tyıym salynatynyn eskertіp, áleýmettіk jelіde jarııalanatyn «ázіlderdіń» naqty saldary bar ekenіn atap óttі.
Material avtory
