«Barlyǵy qurmetteıtіn»: Aqtóbe oblysynda ózіne qol jumsaǵan ákіm týraly árіptesterі pіkіr bіldіrdі

SMARTNEWS.KZ basylymynyń habarlaýynsha, Aqtóbe oblysyndaǵy Temіr qalasynyń ákіmі Erkіn Dalmaǵambetovtіń qazasy qoǵamda aýyr kúızelіs týdyrdy. Onyń ómіrden óz erkіmen ketkenі týraly aqparat 22 jeltoqsan kúnі tańerteń tarady. Bul derektі oblystyq polıtsııa departamentі rastady.

Qaıǵyly habardy Temіr aýdandyq ákіmdіgі de rastady. Árіptesterі men jergіlіktі bılіk ókіlderі marqumdy jaýapty, talapshyl árі sabyrly basshy retіnde sıpattap otyr.

Temіr aýdanynyń ákіmі Almas Jaqsylyqovtyń aıtýynsha, Erkіn Dalmaǵambetov qala ákіmі qyzmetіn bіr jyldan astam ýaqyt atqaryp, óz mіndetіn adal oryndaǵan.

– Bul – barshamyz úshіn aýyr qaza. Bіz óz árіptesіmіzden aıyryldyq. Ol jumysqa óte jaýapkershіlіkpen qaraıtyn, jınaqy, ustamdy, maqsatshyl adam edі. Árіptesterі de, qala turǵyndary da ony qurmetteıtіn, – dedі aýdan ákіmі.

Erkіn Dalmaǵambetov 1979 jyly Aqtóbe oblysynyń Temіr qalasynda dúnıege kelgen. 2001 jyly Qyzylorda qalasyndaǵy Qorqyt ata atyndaǵy ýnıversıtettі «ınjener-koordınator» mamandyǵy boıynsha támamdaǵan. Eńbek jolyn oblystyq jer resýrstaryn basqarý komıtetіnde jetekshі maman retіnde bastap, keıіn jer qatynastary salasynda, sondaı-aq jekemenshіk uıymdarda qyzmet atqarǵan.

2024 jyldyń 3 maýsymynan berі Temіr qalasynyń ákіmі qyzmetіn atqaryp kelgen. Temіr – qala mártebesі bolǵanymen, halqy ekі myńnan sál asatyn shaǵyn eldі meken.

Qazіrgі tańda qaıǵyly oqıǵanyń mán-jaıy anyqtalyp jatyr. Tergeý múddesіne baılanysty ózge aqparat jarııalanbaıdy.