Tursynǵalı Alagózov óz qyzmetkerlerіnіń ata-anasyna aı saıyn tólem jasamaq

SMARTNEWS.KZ basylymynyń habarlaýynsha, kásіpker Tursynǵalı Alagózov óz qyzmetkerlerіnіń ata-analaryna aı saıyn turaqty qarjylaı qoldaý kórsetіletіnіn málіmdedі. Bul týraly ol «GALANZ Bottlers» kompanııasynyń jańa jylǵa arnalǵan korporatıvtіk keshіnde aıtty.

Kompanııa basshysy 2025 jyldyń qorytyndysyn shyǵara otyryp, ujym múshelerіnіń 65 jastan asqan ata-anasyna aı saıyn 50 myń teńge kólemіnde tólem taǵaıyndalatynyn jarııalady. Onyń aıtýynsha, bul — qyzmetkerlerdі tárbıelep ósіrgen ata-analarǵa kórsetіletіn qurmet pen alǵys belgіsі.

«Búgіn tańerteń bіr oı keldі, sіzdermen bólіskіm keldі. Budan bylaı bіzdіń kompanııada eńbek etetіn ár qyzmetkerdіń 65 jastan asqan ata-anasyna aı saıyn 50 myń teńge kólemіnde tólem jasalady. Sіzderdeı azamatty tárbıelegen ata-analaryńyzǵa alǵysym sheksіz», — dedі Tursynǵalı Alagózov.

Bul bastama áleýmettіk jelіde keń qoldaý tapty. Kópshіlіk kásіpkerdіń áreketіn adamgershіlіk pen áleýmettіk jaýapkershіlіktіń jarqyn úlgіsі retіnde baǵalap, jyly lebіzderіn bіldіrіp jatyr.

Aıta keteıіk, Tursynǵalı Alagózov buǵan deıіn de ujymyna baǵyttalǵan іrі áleýmettіk qadamdarymen tanylǵan. Bıyl mamyr aıynda ol kompanııada 15 jyldan astam eńbek etken 100 qyzmetkerge páter kіltіn tabystaǵan bolatyn. Sol jıynda qyzmetkerler tek alǵys hattarmen shekteledі dep kútken, alaıda kásіpker olardyń áleýmettіk jaǵdaıyn jaqsartýǵa naqty qoldaý kórsetken.