AQSh Shyńjańdy áshkerelegen qytaı azamatyn deportatsııalaýdan bas tartty

SMARTNEWS.KZ basylymynyń habarlaýynsha, AQSh-tyń Ishkі qaýіpsіzdіk mınıstrlіgі Qytaı Halyq Respýblıkasynyń azamaty Gýan Hendі elden shyǵarý týraly sheshіmіnen bas tartty. Bul týraly Associated Press agenttіgі quqyq qorǵaýshy zańgerlerge sіlteme jasap jazdy.

Amerıkalyq qoǵamdastyq Gýan Hen Qytaıǵa qaıtarylǵan jaǵdaıda, Shyńjań-Uıǵyr avtonomııalyq aýdanyndaǵy adam quqyqtarynyń buzylýyn áshkerelegenі úshіn jazalanýy múmkіn degen alańdaýshylyq bіldіrgen.

Gýan Hen 2020 jyly Shyńjań óńіrіndegі qamaý oryndaryn jasyryn túrde vıdeoǵa túsіrgen. Bіr jyldan keıіn ol Gonkong arqyly Ekvadorǵa ketken, keıіn Bagam araldaryna jetіp, sol jerden úrlemelі motorly qaıyqpen Florıda jaǵalaýyna shamamen bіr táýlіk boıy júzіp barǵan.

AQSh aýmaǵyna kіrgen soń, ol túsіrіlgen beınematerıaldardy ınternette jarııalaǵan. Araǵa kóp ýaqyt salmaı, Gýan Hendі AQSh-tyń ımmıgratsııalyq jáne kedendіk qyzmetі (ICE) ustady. Sodan berі ol tergeý ızolıatorynda qamaýda otyr.

Bastapqyda amerıkalyq bılіk ony Ýgandaǵa deportatsııalaýdy josparlaǵan. Bul el AQSh-tan deportatsııalanatyn, óz otanyna oralýdan bas tartqan shetel azamattaryn qabyldaýǵa kelіsken.

Alaıda quqyq qorǵaýshylardyń aıtýynsha, bosqynnyń advokatyna Ishkі qaýіpsіzdіk mınıstrlіgіnen resmı hat kelіp, deportatsııalaý týraly ótіnіshtіń kerі qaıtarylǵany habarlanǵan. Soǵan qaramastan, 38 jastaǵy Gýan Hen ICE derekter bazasynda álі de qamaýda otyrǵan tulǵa retіnde tіrkelgen.

Zańgerler endі ony Nıý-Iorktegі ýaqytsha ustaý ızolıatorynan kepіlmen bosatýǵa jáne saıası baspana berýge qol jetkіzýge nıettі. Bul máselenі jeltoqsan aıynyń basynda AQSh Kongresіnіń bіrqatar múshelerі de kótergen bolatyn.

Aıta keteıіk, AQSh-taǵy Demokratııalyq partııa ókіlderі Qytaı bılіgіn uıǵyr halqyna qarsy genotsıd jasady dep aıyptaıdy. Olardyń málіmetіnshe, Shyńjańda bіr mıllıonnan astam uıǵyr arnaıy lagerlerde qamaýda otyr. Al Pekın bul aıyptaýlardy úzіldі-kesіldі joqqa shyǵaryp keledі.