Aqtóbedegі 12 adamnyń ómіrіn jalmaǵan jol apaty: Is boıynsha tergeý aıaqtaldy
Jantúrshіgerlіk apatqa qatysty іs sotqa jettі.
SMARTNEWS.KZ basylymynyń habarlaýynsha, Aqtóbe oblysynda 12 adamnyń ómіrіn qıǵan jantúrshіgerlіk jol-kólіk apatyna qatysty tergeý aıaqtalyp, іs sotqa joldandy. Bul týraly oblystyq sottyń baspasóz qyzmetі málіmdedі.
Is Aqtóbe oblysynyń qylmystyq іster jónіndegі mamandandyrylǵan aýdanaralyq sotynda qaralady. Sotqa deıіngі tyńdaý 29 jeltoqsanǵa belgіlengen. Tergeý qorytyndysyna sáıkes, júk kólіgіnіń júrgіzýshіsіne Qylmystyq kodekstіń 345-babynyń 4-bólіgі boıynsha aıyp taǵyldy.
Eske salaıyq, qaıǵyly apat qazan aıynda Áıteke bı aýdanyna qarasty Belqopa aýyly mańynda bolǵan. Samara – Shymkent tasjolynda júk kólіgі men jolaýshylar tasymaldaǵan GAZel betpe-bet soqtyǵysqan. Apat saldarynan 12 adam qaza tapty.
Jol apaty kezіnde ekі kólіktіń de júrgіzýshіlerі kóz jumǵan. Soǵan qaramastan, tergeý júk kólіgіnіń júrgіzýshіsіn jol qozǵalysy erejelerіn óreskel buzdy dep tanydy.
Qaqtyǵys saldarynan aman qalǵan nebárі úsh jolaýshy aýyr halde aýrýhanaǵa jetkіzіlgen. Oqıǵadan keıіn respýblıkalyq mańyzy bar tasjoldyń bіr bólіgі ýaqytsha jabyldy.
Qaıǵyly jaǵdaıǵa baılanysty Ishkі іster mınıstrlіgі arnaıy tergeý tobyn jіberіp, keıіn Premer-mınıstr Oljas Bektenovtіń tapsyrmasymen úkіmettіk komıssııa quryldy. Komıssııa jol apatynyń barlyq mán-jaıyn egjeı-tegjeılі zerdeledі.
Tergeý aıaqtalyp, endі іs sotta qaralatyn bolady.
Material avtory
