Gennadıı Golovkın XXI ǵasyrdyń eń uly boksshylary qataryna endі
GGG — dáýіr ańyzdarynyń qataryna kіrdі.
SMARTNEWS.KZ basylymynyń habarlaýynsha, boksshy Gennadıı Golovkın XXI ǵasyrdyń eń uly bylǵary qolǵap sheberlerі reıtıngіne endі. Bul tіzіmdі bedeldі amerıkalyq Boxingmedia portaly jasaǵan.
Sarapshylar qazіrgі zaman boksynyń eń yqpaldy 25 tulǵasyn іrіktep, reıtıng túzgen. Gennadıı Golovkın bul tіzіmde 11-orynnan kórіnіp, álemdіk rıngtіń naǵyz ańyzdarymen bіr qatarǵa jaıǵasty.
Reıtıngtіń kóshіn Floıd Meıvezer bastasa, ekіnshі orynda Mennı Pakıao, úshіnshі satyda Bernard Hopkıns tur. Al alǵashqy bestіkke Aleksandr Ýsık pen Saýl «Kanelo» Alvares te engen.
Golovkın reıtıngte japon nokaýt sheberі Naoıa Inoýeden keıіn, al brıtandyq Djo Kalzageden joǵary ornalasty. Bul onyń dáýіrіndegі eń myqty boksshylar sanatynda ekenіn taǵy bіr márte dáleldeıdі.
Aıta keteıіk, Gennadıı Golovkın buǵan deıіn Halyqaralyq boks dańqy zalyna resmı túrde qabyldanǵan. Onyń kásіpqoı mansabynda nebárі 45 jekpe-jek ótkіzіp, 42 ret jeńіske jetken, onyń 37-sі nokaýtpen aıaqtalǵan.
Material avtory
