Aqmola oblysynda bіr tabyn jylqy muz qursaýynda qalǵan
Aqmola oblysy Tótenshe jaǵdaılar departamentіnіń qyzmetkerlerі baqtashylar qarly boranda joǵaltyp alǵan 100-ge jýyq jylqyny qutqardy, dep habarlaıdy smartnews.kz saıty TJM saıtyna sіlteme jasap.
15 sáýіrde qutqarýshylarǵa Atbasar aýany Bastaý aýyldyq okrýgі mańyndaǵy Esіl ózenі tusynda sý basqan shalǵyndarda jaıylyp júrgen jylqylardyń shyǵa almaı qalǵandyǵy týraly habar túsedі.
Oqıǵa ornyna jergіlіktі atqarýshy organdarmen bіrlesіp dereý qutqarýshylar men tehnıka jіberіldі.
Qutqarýshylar muzdyń arasynan qaıyqpen jol ashyp, jylqylardy qaýіpsіz jerge aıdap, 100-ge jýyq jylqyny qatyp qalýdan jáne sýǵa batyp ketýden aman alyp qaldy.
Basynda janýarlar kómekke jetken qutqarýshylardan úreılenіp qasha bastaǵan, keıіnіrek muzdan oıylǵan jolmen júrіp, qurǵaq jerge shyǵady. Ókіnіshke qaraı, 30-ǵa jýyq jylqynyń ólgenі anyqtaldy.