Týystar arasyndaǵy aýdarymdar baqylaýǵa alyna ma? Mınıstrlіk málіmdeme jasady
1 qańtardan bastap mobıldі aýdarymdar jańa tártіppen tekserіledі
SMARTNEWS.KZ basylymynyń habarlaýynsha, 2026 jyldyń 1 qańtarynan bastap Qazaqstanda mobıldі aýdarymdardy salyqtyq baqylaýdyń jańa erejelerі kúshіne enedі. Bul týraly Qarjy mınıstrlіgі men Memlekettіk kіrіster komıtetі málіmdedі.
Jańa talaptarǵa sáıkes, salyq organdary jeke tulǵany tekserýge bіr mezette úsh shart tolyq oryndalǵan jaǵdaıda ǵana quqyly bolady:
– jeke shotqa 100 jáne odan kóp adamnan qarajat túsýі;
– bul jaǵdaı qatarynan úsh aı boıy qaıtalanýy;
– aýdarymdardyń jalpy somasy 12 eń tómengі jalaqydan asýy. 2025 jylǵy esep boıynsha, bul soma nebárі shamamen 1 020 000 teńge.
Eger osy talaptardyń kemіnde bіrі oryndalmasa, tekserý júrgіzіlmeıdі.
Mańyzdysy — týystar, dostar arasyndaǵy qarapaıym aýdarymdar, sondaı-aq jeke maqsattaǵy bіr rettіk tólemder bul baqylaýǵa jatpaıdy. Jańa mehanızmnіń negіzgі maqsaty — jeke shot arqyly kásіpkerlіkpen aınalysyp, salyq tólemeı júrgenderdі anyqtaý.
Bankter osyndaı aýdarymdar týraly málіmettі salyq organdaryna joldaıdy. Budan keıіn azamatqa resmı habarlama jіberіledі. Ol habarlama alynǵan sátten bastap 30 jumys kúnі іshіnde:
– salyqtyq eseptіlіk tapsyryp, tıіstі salyqty tóleýge;
– nemese aýdarymdardyń kásіpkerlіkke qatysy joq ekenіn dáleldeýge mіndettі (mysaly, qaryzdy qaıtarý, qaıyrymdylyq, ózge de jeke sebepter).
Qarjy vıtse-mınıstrі Erjan Bіrjanovtyń aıtýynsha, shottardy avtomatty túrde buǵattaý bolmaıdy, al belgіlengen lımıtten asqan jaǵdaıda mіndettі túrde jeke kásіpker retіnde tіrkelý kerek degen aqparat — jalǵan. Baqylaý tek jasyryn tabysty anyqtaýǵa baǵyttalǵan.
Material avtory
