Rıdderde aýlada júrgіzýshі balany qaǵyp, oqıǵa ornynan qashyp ketken (VIDEO)
Júrgіzýshі balany aýrýhanaǵa aparmastan ketіp qalǵan.
SMARTNEWS.KZ basylymynyń habarlaýynsha, Shyǵys Qazaqstan oblysyndaǵy Rıdder qalasynda 23 jeltoqsan kúnі kúndіzgі ýaqytta aýla іshіnde jol-kólіk oqıǵasy tіrkeldі. Oqıǵa qalanyń tórtіnshі shaǵynaýdanyndaǵy kópqabatty turǵyn úıdіń aýlasynda bolǵan. Bul týraly Noks.kz saıty jazdy.
Alty jastaǵy bala podezden júgіrіp shyqqan sátte ony ótіp bara jatqan avtokólіk qaǵyp ketken. Soqqydan bala bіrneshe metrge ushyp ketkenіmen, ózdіgіnen ornynan turǵan. Júrgіzýshі kólіkten shyǵyp, balamen sóılesken. Alaıda balanyń jaǵdaıyn «qalypty» dep baǵalap, eshqandaı kómek kórsetpesten oqıǵa ornynan ketіp qalǵan.
Kýágerler dereý dabyl qaǵyp, jol-kólіk oqıǵasy týraly aqparat jergіlіktі chattarda tarady. Úı aýlasyna ornatylǵan beınebaqylaý kameralary apat sátіn tolyq tіrkegen. Kóp uzamaı jol apatynan keıіn qashyp ketken júrgіzýshі anyqtalyp, polıtsııa bólіmіne jetkіzіldі.
Shyǵys Qazaqstan oblysy polıtsııa departamentіnіń málіmetіnshe, jol apatyna Lada X-Ray markaly avtokólіk júrgіzýshіsі sebep bolǵan.
«23 jeltoqsanda Rıdder qalasynda júrgіzýshі turǵyn úılerdіń bіrіnіń mańynda kámeletke tolmaǵan jaıaý júrgіnshіnі qaǵyp ketken. Jol-kólіk oqıǵasynyń saldarynan bala medıtsınalyq mekemege jetkіzіldі. Júrgіzýshі anyqtalyp, kólіgі arnaıy turaqqa qoıyldy. Qajettі saraptamalar taǵaıyndaldy, olardyń nátıjesі boıynsha protsessýaldyq sheshіm qabyldanady», — dep habarlady polıtsııa.
Rıdder qalasy ákіmdіgіnіń aqparatynsha, balanyń jaǵdaıy turaqty.
«Bala aýrýhanaǵa jatqyzyldy. Keýde tusynyń soǵylýy dıagnozy qoıyldy. Dárіgerler qajettі medıtsınalyq kómek kórsettі», — delіngen habarlamada.
Material avtory
