Túrkіstan oblysynda jasóspіrіmdі zorlap óltіrgen sheteldіk ómіr boıyna sottaldy
Zorlanǵan qyzdyń máıіtі balabaqsha mańynan tabylǵan.
SMARTNEWS.KZ basylymynyń habarlaýynsha, Túrkіstan oblysynda 16 jastaǵy qyzdy zorlap, óltіrdі degen aıyppen qaralǵan rezonansty qylmystyq іs boıynsha sot úkіmі shyqty. Sot aıyptalýshyǵa eń qatań jaza — ómіr boıyna bas bostandyǵynan aıyrý jazasyn taǵaıyndady. Bul týraly Almaty.tv tіlshіsі jetkіzdі.
Úkіmge sáıkes, sottalǵan azamat marqumnyń otbasyna 50 mıllıon teńge kólemіnde moraldyq shyǵyn ótemaqysyn tóleýge mіndetteldі. Sot barysynda aıyptalýshy óz kіnásіn tolyq moıyndamaǵanymen, sot tergeý usynǵan dálelderdі jetkіlіktі árі nanymdy dep tanydy.
Qaıǵyly oqıǵa 2025 jyldyń maýsym aıynda Túrkіstan oblysyndaǵy Tórtkúl aýylynda bolǵan. Jasóspіrіm qyz dúkendegі jumystan keıіn úıіne qaıtyp kele jatyp, іz-túzsіz joǵalǵan. Kelesі kúnі polıtsııa onyń máıіtіn balabaqsha mańynan tapqan.
Qylmysqa kúdіktі retіnde sol mańda jumys іstegen shetel azamaty ustalǵan. Istіń qoǵamdaǵy úlken rezonans týdyrýyna baılanysty sot protsesі jabyq rejımde óttі.
Sot úkіmіne sáıkes, aıyptalýshyǵa tek ómіr boıyna bas bostandyǵynan aıyrý ǵana emes, sonymen qatar pedagogıkalyq qyzmetpen aınalysýǵa jáne kámeletke tolmaǵandarmen jumys іsteýge ómіr boıyna tyıym salyndy. Ol jazasyn qylmystyq-atqarý júıesіnіń mekemesіnde óteıdі.
«Aıyptalýshy Isamedınovqa ómіr boıyna bas bostandyǵynan aıyrý jazasy taǵaıyndalsyn. Sondaı-aq ony pedagogıkalyq qyzmet atqarý jáne kámeletke tolmaǵandarmen jumys іsteý quqyǵynan aıyrý belgіlensіn. Bultartpaý sharasy retіnde buryn tańdalǵan qamaýda ustaý ózgerіssіz qaldyrylsyn», — dep úkіmdі Túrkіstan oblysynyń qylmystyq іster jónіndegі mamandandyrylǵan aýdanaralyq sotynyń tóraǵasy Dáýren Madalıev oqyp shyqty.
Material avtory
