Kım Chen Yn qyzymen bіrge jańa týrıstіk qonaqúıler ashty
Soltústіk Koreıa týrıst tartýǵa kіrіstі.
SMARTNEWS.KZ basylymynyń habarlaýynsha, KHDR kóshbasshysy Kım Chen Yn qyzy Chjý Emen bіrge Samchjıen qalasynda bіr mezette bіrneshe týrıstіk qonaqúıdіń ashylý rásіmіne qatysty. Bul týraly Koreıanyń ortalyq telegraf agenttіgі habarlady.
Agenttіk deregіnshe, Samchjıende bіrden bes jańa qonaqúı paıdalanýǵa berіlgen. Memlekettіk basylymdar bul nysandardy «dáýіrdіń maqtanyshy» dep atady.
Resmı jarııalanymda Kım Chen Ynnyń kelýі saltanatqa qatysýshylar tarapynan zor qoshemetpen qarsy alynǵany aıtylǵan. Onda Soltústіk Koreıa kóshbasshysy «halqyn eń laıyqty árі eń baqytty etýge umtylatyn, sotsıalızmnіń jarqyn bolashaǵyn tabandy túrde jaqyndatyp kele jatqan uly tulǵa» retіnde sıpattalǵan.
Kım Chen Yn ekі qonaqúıdі jeke aralap kórіp, olardyń jumysyna joǵary baǵa bergen. Ol qyzmet kórsetý sapasy basty basymdyq bolýy tıіs ekenіn atap ótіp, kásіbı mamandar daıarlaýdyń jalpyulttyq júıesіn keńeıtіp, nyǵaıtýdy tapsyrǵan.
Sonymen qatar KHDR basshysy jańa qonaqúılerdі «memlekettіń damý áleýetіnіń aıqyn dálelі» dep atap, Samchjıendі eldіń týrıstіk mádenıetіn tanystyratyn «jańashyl árі órkenıettі qalaǵa» aınaldyrýdy kózdeıtіnіn málіmdedі.
Eske salsaq, buǵan deıіn jaz aılarynda Soltústіk Koreıada Vonsan–Kalma jaǵalaýlyq týrıstіk aımaǵynyń saltanatty ashylýy ótken. Ol rásіmge de Kım Chen Ynnyń ózі qatysqan.
Material avtory
