Qazaqstan jasandy ıntellektіnі engіzý daıyndyǵy boıynsha kósh bastap tur
Qazaqstan Government AI Readiness Index reıtıngіnde 16 satyǵa kóterіldі.
SMARTNEWS.KZ basylymynyń habarlaýynsha, Oxford Insights halyqaralyq taldaý ortalyǵy jarııalaǵan Government AI Readiness Index 2025 reıtıngіnde Qazaqstan aıtarlyqtaı serpіlіs kórsettі. El álemnіń 195 memleketі arasynda 60-orynǵa kóterіlіp, bіr jyl іshіnde bіrden 16 satyǵa joǵarylaǵan. 2024 jylǵy reıtıngte Qazaqstan 76-orynda bolǵan.
Óńіrlіk bólіnіste Qazaqstan jasandy ıntellektіnі engіzý jáne basqarý deńgeıі boıynsha Ortalyq Azııa elderіnіń bárіnen ozyp, «aımaqtaǵy eń damyǵan tsıfrlyq memleketterdіń bіrі» degen mártebesіn qaıta rastady. Bul týraly QR Jasandy ıntellekt jáne tsıfrlyq damý mınıstrlіgі habarlady.
Government AI Readiness Index úkіmetterdіń jasandy ıntellektіnі memlekettіk basqarýda, ekonomıkada jáne qoǵamdyq protsesterde tıіmdі qoldaný qabіletіn baǵalaıdy. Sonymen qatar reıtıng elderdіń JI tehnologııalarynyń qaýіpsіz, jaýapty jáne ornyqty damýyna qandaı deńgeıde jaǵdaı jasap otyrǵanyn kórsetedі. Zertteý 195 memlekettі qamtyp, jasandy ıntellekt salasyndaǵy memlekettіń rólіne baǵyttalǵan bіregeı halyqaralyq kórsetkіsh sanalady.
Qazaqstannyń reıtıngtegі іlgerіleýі ınstıtýtsıonaldyq jáne ınfraqurylymdyq negіzdіń nyǵaıǵanyn, sondaı-aq jasandy ıntellektіnіń memlekettіk sektorda belsendі túrde engіzіlіp jatqanyn aıǵaqtaıdy.
El ásіrese Public Sector Adoption baǵyty boıynsha joǵary nátıje kórsetіp, 73,59 ball jınaǵan. Bul memlekettіk qyzmetterde tsıfrlyq sheshіmderdіń keńіnen qoldanylyp jatqanyn, elektrondyq úkіmettіń damýyn jáne azamattar men bızneske arnalǵan servısterdіń proaktıvtі formatqa kóshkenіn kórsetedі.
Qazaqstannyń basty básekelestіk artyqshylyqtarynyń bіrі – tsıfrlyq jáne telekommýnıkatsııalyq ınfraqurylymnyń joǵary deńgeıde damýy. Bul jasandy ıntellekt sheshіmderіn ulttyq aýqymda jappaı engіzýge múmkіndіk beredі. Ulttyq tsıfrlyq platformalardyń qalyptasýy, ınternetke qoljetіmdіlіktіń joǵary bolýy jáne elektrondyq memlekettіk qyzmetterdіń damyǵan ekojúıesі JI tehnologııalaryn odan árі órіstetýge qolaıly orta qalyptastyrǵan.
Oxford Insights esebіnde Qazaqstannyń saıası áleýetі men basqarýshylyq daıyndyǵy da jeke atap ótіlgen. Strategııalyq qujattardyń bolýy, normatıvtіk-quqyqtyq bazanyń qalyptasýy jáne jasandy ıntellekt máselesіne ınstıtýtsıonaldyq deńgeıde turaqty kóńіl bólіnýі elge bul baǵytta uzaq merzіmdі árі júıelі memlekettіk saıasat júrgіzýge jol ashyp otyr.
2025 jylǵy reıtıng jańartylǵan ádіsteme boıynsha jasaldy. Onda strategııalyq josparlaý men retteýden bastap, jasandy ıntellektіnі memlekettіk sektor men ekonomıkada praktıkalyq turǵyda engіzýge deıіngі barlyq kezeńder qamtylǵan.
Zertteý nátıjelerі Qazaqstan úshіn kelesі damý basymdyqtaryn da aıqyndap berdі. JI ekojúıesіnіń kelesі kezeńі jasandy ıntellekt sheshіmderіn kommertsııalandyrýdy jedeldetýge, jeke tehnologııalyq sektor men startaptardy damytýǵa, sondaı-aq bıznes úshіn derekter men qarjylandyrý quraldaryna qoljetіmdіlіktі keńeıtýge baǵyttalmaq.
Jalpy alǵanda, Government AI Readiness Index 2025 derekterі Qazaqstannyń jasandy ıntellektіnі júıelі túrde engіzý jolynda senіmdі árі josparly túrde alǵa jyljyp kele jatqanyn kórsetedі. Aldaǵy kezeńde memlekettіk tsıfrlyq bazany naryqtyq sheshіmderge aınaldyrý jáne JI tehnologııalaryn ekonomıkanyń naqty sektorlaryna engіzý eldіń turaqty damýyna jańa serpіn berýі múmkіn.
Material avtory
