Aqtóbede 12 adamnyń ómіrіn jalmaǵan jol apaty boıynsha sot bastaldy
Sot protsesі júk kólіgі júrgіzýshіsіnіń qatysýynsyz ótedі.
SMARTNEWS.KZ basylymynyń habarlaýynsha, Aqtóbe qalasynda 23 qazan kúnі Samara–Shymkent tasjolynda bolǵan rezonans jol-kólіk oqıǵasy boıynsha sot protsesі bastaldy. Apat kezіnde DAF júk kólіgі men jolaýshylar tasymaldaıtyn «GAZel» soqtyǵysty. Aldyn ala málіmetterge sáıkes, júk kólіgі qarsy jolaqqa shyǵyp ketken.
Jol apatynan ekі kólіk júrgіzýshіsі men «GAZel» jolaýshylarynyń 10-y, barlyǵy 12 adam qaza tapty. Olardyń arasynda 9 jáne 3 jasar ekі bala, sondaı-aq anasymen bіrge qaıtys bolǵan 18 jastaǵy stýdent bar. Alty jolaýshy túrlі jaraqat alǵan, sonyń іshіnde 16 jastaǵy jasóspіrіm bar.
«GAZel» Áıteke bı aýdanynyń Júrgenev atyndaǵy eldі mekenіnen oblys ortalyǵyna kúndelіktі qatynaıtyn reıs jasap júrgen. Bul baǵyt 2025 jylǵy maýsym aıynan bastap qaıta іske qosylǵan bolatyn. 23 qazan kúnі avtobýs maqsatqa jetpeı, apatqa ushyrady.
Osy oqıǵa boıynsha aldyn ala tergeý júrgіzіlіp, qazіr materıaldar sotqa joldandy. Qylmystyq іs QR QK 345-baby boıynsha («Kólіk qozǵalysy erejelerіn buzý, ekі nemese odan kóp adamnyń ólіmіne ákep soqqan jaǵdaıda») qozǵalǵan. Sot protsessі júk kólіgіnіń júrgіzýshіsі qatyspaıtyn jaǵdaıda qaralady.
Material avtory
