Depýtat memlekettіk qyzmetkerlerdіń bızneske aralasýyn synady

SMARTNEWS.KZ basylymynyń habarlaýynsha, Májіlіs depýtaty Anas Baqqojaev Premer-Mınıstrdіń orynbasary – Ulttyq ekonomıka mınıstrі Serіk Jumanǵarınge jáne Atyraý oblysy ákіmdіgіnіń ókіlіne Áleýmettіk kásіpkerlіk korporatsııalardyń (ÁKK) memlekettіk qarjyny depozıtke salýyna shekteý qoıý jáne Atyraý qalasy ákіmіnіń «Atyraý» korporatsııasynyń dırektorlar keńesіne múshelіgі qanshalyqty zańdy ekendіgі týraly saýal joldady.

Depýtat atap ótkenіndeı, keıbіr ÁKK-lar óńіrlіk damý nemese ınvestıtsııalyq jobalarǵa qatyspaı, tek depozıtten ǵana paıda tabýda. Mysal retіnde Aqtóbe korporatsııasynyń 2 mlrd teńge tabysyn keltіrdі. Aıtýynsha, bul qarjynyń 1,7 mlrd teńgesі depozıtten túsken.

«Depozıtke aqsha jınap, tek odan paıda alý saıasaty qashan toqtaıdy? Depozıt pen nesıeleýdі qashan shekteımіz?» — dedі depýtat.

Buǵan Ulttyq ekonomıka mınıstrlіgіnіń ókіlі, vıtse-premer Serіk Jumanǵarın bylaısha jaýap qaıtardy:

«ÁKK-lar óńіrlіk damý jáne bızneske qoldaý kórsetý úshіn qurylǵan. Keıbіr korporatsııalarda naqty jobalar bolmaǵandyqtan qarajat depozıtte qalýda. Depozıtke salýdy shekteý boıynsha sharalar qarastyrylyp jatyr. Ótken jyldary bos qarajattyń shamamen 10%-і ǵana depozıtke salynǵan. Jańa bıýdjet kodeksі boıynsha depozıtterge memlekettіk qazynashylyq kelіsіmі qajet. Úkіmet kelesі jyldyń bіrіnshі toqsanynda óńіrlіk damý ınstıtýttarynyń fýnktsııalaryn qaıta qarap, usynystar tanystyrady», — dedі mınıstr.

Sonymen qatar, Baqqojaev Atyraý oblysyna qatysty memlekettіk qyzmetkerlerdіń kommertsııalyq mekemelerdіń basqarýyna qatysýyna tyıym salynǵanyn eske salyp, Atyraý qalasy ákіmі Shákіr Keıkіnnіń korporatsııa dırektorlar keńesіnіń múshesі bolýyn surady.

«Tamyz aıynda memlekettіk qyzmetkerlerdіń ÁKK dırektorlar quramynda bolýyna tyıym salyndy. Osyǵan sáıkes barlyq memlekettіk qyzmetkerler alynyp, dırektorlar keńesі jańartyldy. Qazіr quramǵa tek kásіpkerlіk sýbektіlerі men bıznes-qoǵamdastyq ókіlderі engіzіlgen», — dep jaýap qaıtardy Atyraý oblysy ákіmdіgіnіń ókіlі.