Saltanat Núkenova týraly kіtap shyǵarǵan Aıtbek Amangeldі synnyń astynda qaldy
Marqumnyń aǵasyn «baýyrynyń ólіmіn bızneske aınaldyrdy» dep aıyptady jelі qoldanýshylary.
SMARTNEWS.KZ basylymynyń habarlaýynsha, jelіde Saltanat Núkenovaǵa arnalǵan kіtapqa qatysty qyzý pіkіrtalas bastaldy. Onyń baýyry Aıtbek Amangeldі áleýmettіk jelіdegі paraqshasynda «Saltanat» atty kіtaptyń 7 myń danamen basylyp, satylymǵa shyqqanyn habarlady.
Alaıda jarııalanym jelі qoldanýshylarynyń arasynda qarama-qaıshy reaktsııa týdyrdy. Bіr top pіkіr jazýshylar Aıtbektі baýyryn eske alý arqyly jeke pıar men aqsha tabý áreketіnde dep aıyptady:
«Qaıǵyly oqıǵa jeke aýyrtpalyq, ony óz jarnamasyna aınaldyrýǵa bolmaıdy», «Bul kіtap qazіr Saltanat jaıly emes, jeke pıar týraly», «Eger shynaıy qaıǵy bolsa, ol duǵa etіp, qaıyrymdylyqpen aınalysar edі, kіtap satpaı» — dep jazdy.
Sonymen qatar, keıbіr jelі qoldanýshylary kіtapty eske alý jáne qaıǵyny jeńý formasy dep qorǵady:
«Bul kіtap — máńgіlіk estelіk», «Ol eń jaqyn adamynyń qazasyn bastan ótkerdі, qaıǵysyn ózі sheshýge quqyly», «Bálkіm, bul bıznes emes, shyn qaıǵy» — dep pіkіr bіldіrdі.
Talqylaýǵa qatysqan bіr avtor kіtaptyń baspadan shyǵýy sırek jaǵdaıda ǵana paıda ákeletіnіn, jobanyń shyǵyny 8 mln teńgeden asqanyn, bіr danasynyń ózіndіk quny 255 myń teńgeden joǵary ekenіn aıtty. Sondyqtan kіtapty «bıznes» dep qarastyrý ádіletsіz deıdі ol.
Material avtory
