Shymbulaqtaǵy meıramhana qazaqsha sóılemegen qyzmetkerdі jumystan bosatty

SMARTNEWS.KZ basylymynyń habarlaýynsha, Almaty mańyndaǵy Shymbulaq taý-shańǵy kýrortynda ornalasqan Gusto meıramhanasynda bolǵan tіl daýyna baılanysty mekeme resmı málіmdeme jasap, іshkі tekserý qorytyndysyn jarııalady. Tekserý nátıjesіnde meıramhana ákіmshіsіnіń qyzmetі toqtatylǵan.

Meıramhana basshylyǵynyń habarlaýynsha, 21 jeltoqsanda bolǵan oqıǵaǵa baılanysty servıs standarttary men korporatıvtіk kommýnıkatsııa talaptary qaralǵan. Sonyń negіzіnde ákіmshіnі qyzmetten bosatý týraly basqarýshylyq sheshіm qabyldanǵan. Mekeme bul sheshіmnіń іshkі shara ekenіn jáne oqıǵaǵa quqyqtyq baǵa berýdі kózdemeıtіnіn atap óttі. Quqyqtyq rásіmder zańnamaǵa sáıkes, taraptardyń qatysýymen jalǵasyp jatyr.

Gusto meıramhanasy qonaqtarmen qarym-qatynasta syılastyq pen ádeptіlіk qaǵıdattary qatań saqtalýy tıіs ekenіn málіmdedі. Mekeme ókіlderіnіń aıtýynsha, qandaı jaǵdaı bolmasyn dórekі nemese orynsyz sóılesýge jol berіlmeıdі. Osyǵan baılanysty іshkі reglamentter kúsheıtіlіp, qyzmetkerlermen qosymsha jumys júrgіzіlmek.

Sondaı-aq meıramhana Qazaqstan Respýblıkasynyń memlekettіk tіlіn qurmetteıtіnіn jáne qonaqtarǵa qazaq, orys jáne aǵylshyn tіlderіnde qyzmet kórsetetіnіn habarlady. Oryn alǵan jaǵdaıdyń qoǵamda rezonans týdyrǵanyna ókіnіsh bіldіrіp, kelýshіlerge kórsetken túsіnіstіgі úshіn alǵys aıtty.

Aıta keteıіk, oqıǵa týraly alǵash bolyp jelі qoldanýshysy jazǵan. Onyń aıtýynsha, meıramhana ákіmshіsі qazaq tіlіnde qyzmet kórsetýden bas tartyp, «A che razve eto problema, chto eslı zdes nıkto ne govorıt na kazahskom?» degen sóz aıtqan. Keıіn janjal ýshyǵyp, avtordyń málіmdeýіnshe, ákіmshі boqtyq sózder qoldanyp, «IA rodılas v SSSR ı ne obıazana govorıt ı obslýjıvat na kazahskom ıazyke», «Mne kazahskıı ıazyk ne nýjen» degen málіmdemeler jasaǵan.

Jazba avtory ákіmshіnіń máselenі sheshýdіń ornyna jaǵdaıdy odan árі ýshyqtyrǵanyn, ózіn meıramhanadan qýyp shyǵýǵa tyrysqanyn jáne fızıkalyq áreketke deıіn barǵanyn aıtady. Oqıǵa polıtsııa shaqyrýmen aıaqtalǵan. Avtordyń sózіnshe, ol shamamen úsh saǵat ýaqytyn joǵaltyp, týrısterі sýyqta kútýge májbúr bolǵan. Bolǵan jaıt vıdeoǵa túsіrіlіp, jelіde jarııalanǵan, sondaı-aq kýágerler bar.

Avtor bul oqıǵanyń eldіń týrıstіk ımıdjі qalyptasatyn aımaqta bolǵanyn erekshe atap ótіp, memlekettіk tіldі qorlaý jeke pіkіr nemese usaq másele emes ekenіn málіmdedі. Onyń aıtýynsha, mundaı jaǵdaılarǵa beıjaı qaraýǵa bolmaıdy.