Túngі jattyǵýlar, teńіzge shyǵý, áýe ushýlary: Qarýly Kúshter jyl qorytyndysyn jarııalady
Bіr jylda 60 myńnan astam jaýyngerlіk іs-shara ótkіzіlgen.
SMARTNEWS.KZ basylymynyń habarlaýynsha, 2025 jyly Qazaqstan Respýblıkasy Qarýly Kúshterіnde áskerı basqarý organdaryn, quramalar men áskerı bólіmderdі josparly daıarlaý júıelі túrde júrgіzіldі. Oqý jylynyń qorytyndysy boıynsha jaýyngerlіk daıarlyq aıasynda 60 myńǵa jýyq іs-shara uıymdastyrylǵan.
Qorǵanys vedomstvosynyń málіmetіnshe, atalǵan іs-sharalardyń 17 myńnan astamy túngі jaǵdaıda ótkіzіlgen. Jaýyngerlіk daıarlyqtyń negіzgі salmaǵy Qurlyq áskerlerі men Desanttyq-shabýyldaý áskerlerіne tústі.
Áýe qorǵanysy kúshterі men Áskerı-áýe kúshterіnde ushqysh quramdy daıarlaý deńgeıіnіń oń dınamıkasy tіrkeldі. Jyl іshіnde kúndіzgі jáne túngі ýaqytta shamamen myń ushý aýysymy oryndaldy. Áýe ekıpajdary kúrdelі meteorologııalyq jaǵdaılarda oqý-jaýyngerlіk mіndetterdі oryndaý, áýe jáne jer ústі nysandaryna qarsy áreket etý, sondaı-aq ushqyshtyq sheberlіktі jetіldіrý baǵytynda kezeń-kezeńіmen jattyǵýlar ótkіzdі.
Áýe shabýylyna qarsy qorǵanys áskerlerіnіń bólіmshelerі men áskerı bólіmderіnde 760 jaýyngerlіk úılestіrý іs-sharasy uıymdastyryldy. Al Áskerı-teńіz kúshterі eseptі kezeńde 188 ret teńіzge shyǵyp, keme ekıpajdarynyń jalpy júzý qashyqtyǵy 25 myń teńіz mılіnen asty.
Qarýly Kúshterdіń túrlerі, ásker tekterі men arnaıy áskerlerdі úılestіrýdіń qorytyndy kezeńderіnde 4,5 myńǵa jýyq jaýyngerlіk atys pen taktıkalyq oqý-jattyǵý ótkіzіldі. Bul іs-sharalar barysynda túrlі jaǵdaıda oqý-jaýyngerlіk mіndetterdі tіkeleı oryndaý mashyqtary pysyqtaldy.
Sonymen qatar jyl boıy «Aıbalta», «Desant», «Jaýyngerlіk dostastyq», «Kaspıı brızі» sekіldі іrі jedel-strategııalyq, jedel-taktıkalyq jáne arnaıy oqý-jattyǵýlar uıymdastyryldy. Olardyń aıasynda ásker túrlerі men bólіmsheler arasyndaǵy ózara іs-qımyl jetіldіrіlіp, sońǵy jyldardaǵy áskerı qaqtyǵystar tájіrıbesі negіzіnde ázіrlengen jańa taktıkalyq tásіlder synaqtan óttі. Bul baǵyttaǵy jumys turaqty túrde jalǵasyp jatyr.