Mańǵystaý ákіmі nekesіz týǵan ulyna alıment tóleý máselesіne qatysty pіkіr bіldіrdі
Nurdáýlet Qılybaı sotqa ózі júgіngenіn aıtty.
SMARTNEWS.KZ basylymynyń habarlaýynsha, Mańǵystaý oblysynyń ákіmі Nurdáýlet Qılybaı ózіnіń jeke ómіrіne qatysty rezonans týdyrǵan jaǵdaıǵa túsіnіkteme berdі. Áńgіme – onyń burynǵy máslıhat depýtaty Yntash Naýryzovadan týǵan nekesіz uly jáne alıment tóleý máselesі týraly. Jaǵdaı týraly AqJaıyq basylymy jazdy.
Aımaq basshysynyń málіmdemesі 2025 jylǵy 23 jeltoqsanda Ortalyq kommýnıkatsııalar qyzmetіnde ótken brıfıng barysynda jasaldy. Jýrnalıster áleýmettіk jelіlerde taraǵan málіmetterge baılanysty ákіmnіń jeke ustanymyn suraǵan.
Nurdáýlet Qılybaıdyń aıtýynsha, jelіde taraǵan aqparat shyndyqqa sáıkes kelmeıdі.
«Áleýmettіk jelіlerde sot menі DNQ saraptamasy arqyly balany moıyndaýǵa májbúrledі degen aqparat tarady. Bul – jalǵan. Kerіsіnshe, men ózіm sotqa júgіnіp, balany taný týraly ótіnіsh berdіm. Sot menіń talabymdy qanaǵattandyrdy», – dedі ákіm.
Óńіr basshysy alıment tólep otyrǵanyn rastady, alaıda naqty somany ataǵan joq. Onyń aıtýynsha, alıment mólsherі jalaqysynyń shamamen 20–25 paıyzy kólemіnde. Ákіmnіń aılyq tabysy 1,9 mln teńge shamasynda, sonyń bіr bólіgі alıment retіnde ustalady.
Sondaı-aq Nurdáýlet Qılybaı qazіrgі ýaqytta balamen baılanys ornatpaǵanyn aıtyp, bolǵan jaǵdaıǵa ókіnіsh bіldіrdі.
«Iá, mundaı jaǵdaı boldy. Men ókіnemіn. Bul – ótkenіmdegі qatelіgіm. Ýaqytty kerі qaıtara almaımyz. Qazіr men úshіn basty mіndet – óńіrdіń damýy. Halyq qalaı qabyldady – ony bіlmeımіn, bul turǵyndardyń óz baǵasy», – dedі ol.
Aıta keteıіk, Mańǵystaý oblysy ákіmіnіń jeke ómіrіne qatysty bul másele buǵan deıіn áleýmettіk jelіler men aqparat quraldarynda keńіnen talqylanǵan.
Material avtory
