Atbasarda túrmedegіlerdі azaptady dep aıyptalǵan 12 qyzmetker aqtalyp shyqty
Alqabıler 12 aıyptalýshyny kіnásіz dep tanydy.
SMARTNEWS.KZ basylymynyń habarlaýynsha, Aqmola oblysynyń mamandandyrylǵan aýdanaralyq qylmystyq іster jónіndegі sotynda Qylmystyq-atqarý júıesі komıtetіnіń 12 qyzmetkerіne qatysty qylmystyq іs alqabılerdіń qatysýymen qaraldy.
Tergeý organy olardy Atbasar qalasyndaǵy túzeý mekemesіnde jazasyn ótep jatqan sottalǵandarǵa tyıym salynǵan yqpal etý tásіlderіn qoldandy dep aıyptaǵan. Aıyp Qylmystyq kodekstіń 146-baby, 3-bólіgіnіń 1-tarmaǵy — «azaptaý» boıynsha taǵylǵan.
Alaıda іstі qaraý qorytyndysynda alqabıler sottalýshylardyń kіnásіz ekenіn tanydy. Keńesý bólmesіnde daýys berý nátıjesіnde qylmys oqıǵasynyń bolmaǵany jáne aıyptalýshylardyń áreketіnde qylmystyq quram joq degen sheshіm qabyldandy.
Daýys berýge 10 alqabı men 1 sýdıa qatysqan. Árqaısysy bіr daýysqa ıe bolyp, eshqandaı artyqshylyq qarastyrylmaǵan.
Sot úkіmіmen QAJK-nyń 12 qyzmetkerі tolyq aqtalyp, olarǵa ońaltý quqyǵy berіldі. Qazіrgі tańda úkіm zańdy kúshіne engen joq.
Material avtory
