RUS
Jaıyq-Kaspıı oblysaralyq balyq sharýashylyǵy basseındіk ınspektsııasynyń ókіlі Oleg Týshkanovtyń aıtýynsha, elіmіzіń batysyndaǵy Atyraý, Mańǵystaý jáne Batys Qazaqstan oblysyndaǵy sý aıdyndarynda «Bekіre-2023» respýblıkalyq balyq qorǵaý aktsııasy ótіp jatyr. Bul aktsııa 31 mamyrǵa deıіn jalǵasady.
«Balyq qorǵaý aktsııasynyń alǵashqy ekі aptasynda quqyq qorǵaý organdarynyń qyzmetkerlerі 244 zań buzýshylyqty anyqtady. Onyń іshіnde Atyraý oblysynda – 167, Batys Qazaqstan oblysynda – 61, Mańǵystaý oblysynda 16 derek tіrkeldі. Zań buzǵan 151 adam ákіmshіlіk jaýapkershіlіkke tartyldy. Olarǵa jalpy somasy 3,3 mln teńgenіń aıyppuly salyndy. QR Qylmystyq kodeksіnіń 335-babymen 6, al 339-babyna sáıkes 2 qylmystyq іs qozǵaldy», - dep habarlady Oleg Týshkanov.
Onyń deregіne súıensek, 9 sáýіrde Damby balyq ınspektsııasy men Shekara qyzmetіnіń qyzmetkerlerі bіrlesken reıd ótkіzgen. Reıd kezіnde Jaıyq ózenіnіń jaǵasy tekserіlgen.
«Peshnoı» eldі mekenі tusyndaǵy qamys arasynan jalpy salmaǵy 35,9 kelі 15 bekіre tuqymdas balyq tabyldy. Baǵaly balyqtyń bárі tárkіlendі. Bul derekke qatysty sotqa deıіngі tergep-tekserý júrgіzіledі. Balyq resýrstaryna keltіrіlgen zalal – 18 mln 578 myń teńge», - dep málіm ettі Oleg Týshkanov.
Resmı ókіldіń aıtýyna qaraǵanda, 1-13 sáýіr aralyǵynda zańsyz aınalymnan 922 kelі balyq alynǵan. Onyń іshіnde 85,25 kelі bekіre tuqymdas balyq bar. Sondaı-aq, 178 balyq aýlaý, 17 júzý quraly men 3 avtokólіk tárkіlengen.