Astanada 2,3 mlrd teńgelіk áleýmettіk turǵyn úıdі zańsyz ıemdenbek bolǵandar ustaldy
Áleýmettіk álsіz toptarǵa arnalǵan páterlerdі jymqyrý shemasy áshkerelendі.
SMARTNEWS.KZ basylymynyń habarlaýynsha, Qarjylyq monıtorıng agenttіgі Bas prokýratýranyń úılestіrýіmen jáne Sot ákіmshіlіgіnіń іshkі qaýіpsіzdіk bólіmshelerіmen bіrlesіp, áleýmettіk osal toptarǵa arnalǵan turǵyn úılerdі zańsyz ıemdený deregі boıynsha aýqymdy tergeý bastady. Is kópbalaly otbasylarǵa, jetіm balalarǵa jáne múgedektіgі bar azamattarǵa bólіngen páterlerge qatysty.
Tergeý materıaldaryna sáıkes, 2014–2016 jyldary «Tólendі» turǵyn úı-qurylys kooperatıvіn basqarǵan A.Baıjumanov paıshylardyń qarajatyn jymqyrýdyń іrі shemasyn uıymdastyrǵany úshіn 8 jylǵa sottalǵan. Keıіn atalǵan kooperatıvke tıesіlі bіrqatar páterlerdіń qurylysy Astana qalasynyń ákіmdіgі tarapynan aıaqtalyp, olar áleýmettіk osal sanattaǵy azamattarǵa arnalǵan turǵyn úı retіnde rásіmdelgen.
Alaıda bas bostandyǵynan aıyrý oryndarynan bosatylǵannan keıіn Baıjumanov jańa zańsyz áreketterge barǵan. Tergeý deregіnshe, ol «ótken kúnmen rásіmdelgen» jalǵan qujattardy paıdalanyp, páterlerdі zańsyz ıemdený shemasyn іske asyrǵan.
Sonyń saldarynan 80-nen astam adam «jalǵan úlesker» retіnde jábіrlenýshі dep tanylyp, ýákіlettі uıym arqyly 170 jyljymaıtyn múlіk nysanyna zańsyz quqyq alǵan. Páterlerdі óteýsіz ıemdengen soń, kúdіktіler olardy úshіnshі tulǵalarǵa satyp jіberýdі josparlaǵan.
Quzyrly organdardyń jedel áreketіnіń nátıjesіnde jalpy quny 2,3 mlrd teńgeden asatyn múlіktі zańsyz ıemdený áreketіnіń joly kesіldі. Qazіrgі tańda kúdіktіler qamaýǵa alyndy, tergeý jalǵasyp jatyr.
Material avtory
