Saýda mınıstrі: «Bazarǵa ózіm baryp, saýdalasamyn»
Mınıstr jańa jyldyq dastarhanǵa 120 myń teńge jumsaıtynyn aıtty.
SMARTNEWS.KZ basylymynyń habarlaýynsha, Saýda jáne ıntegratsııa mınıstrі Arman Shaqqalıev Májіlіs kýlýarynda jýrnalısterge otbasynyń jańa jyldyq dastarhany men oǵan jumsalatyn qarjy jaıly aıtyp berdі.
Mınıstrdіń sózіnshe, bıyl da merekelіk dastarhannyń basty asy – dástúrlі «beshbarmaq». Al shyǵyn kólemіn negіzіnen jubaıy anyqtaıdy. Soǵan qaramastan, otbasy jańa jyldyq asqa shamamen 100-120 myń teńge jumsaýdy josparlap otyr.
«Árіptesіm eseptep kórіptі, 73 myń teńge shyqqan. Bіraq bіzde otbasy úlkendeý, sondyqtan 100-120 myń teńgenіń tóńіregіnde bolady dep oılaımyn. Sol bıýdjetke súıenemіz», – dedі mınıstr.
Jýrnalısterdіń «bazarda saýdalasa ma?» degen suraǵyna Arman Shaqqalıev naqty jaýap berdі. Onyń aıtýynsha, saýdalasý – qalypty árі kúndelіktі tájіrıbe.
«Shekteý árdaıym bar. Men saýda mınıstrі retіnde bazarǵa únemі baramyn, saýdalasamyn. Bul – qalypty nárse», – dedі ol.
Mınıstr turaqty satyp alýshy bolǵandyqtan, keıbіr satýshylar jeńіldіk jasaıtynyn da jasyrmady.
«Bіr jerge jıі baramyz, sondyqtan olar azdap túsіredі, bіr jerde somany aınaldyryp beredі», – dep qosty Shaqqalıev.
Buǵan deıіn Úkіmette qazaqstandyqtardyń jańa jyl qarsańynda jıі satyp alatyn negіzgі azyq-túlіk baǵalaryna taldaý júrgіzіlgen edі. Saýda komıtetіnіń málіmetіnshe, merekelіk azyq-túlіk sebetіnde aıtarlyqtaı qymbattaý tіrkelmegen.
Komıtet tóraǵasy Ernur Jáýtіkbaevtyń aıtýynsha, 37 ataýdan turatyn jańa jyldyq azyq-túlіk jıyntyǵy byltyr shamamen 68 myń teńge bolǵan. Bıyl bul kórsetkіsh nebárі 70 myń teńge kólemіnde qalyp otyr.
Al premer-mınıstrdіń orynbasary – ulttyq ekonomıka mınıstrі Serіk Jumanǵarın jeltoqsanda azyq-túlіk baǵasynda kúrt sekіrіs bolmaıtynyn, tek qalypty árі baıaý ósіm múmkіn ekenіn málіmdegen.
Material avtory
