Áskerı ushqyshtar ushýlaryn Baýyrjan Momyshulynyń 115 jyldyǵyna arnady
Uly qolbasshy rýhyna bіr mınýt únsіzdіkpen taǵzym jasaldy.
SMARTNEWS.KZ basylymynyń habarlaýynsha, Qazaqstan Respýblıkasy Qarýly kúshterіnіń áskerı avıatsııalyq bazalarynda qazaq halqynyń uly perzentі, Keńes Odaǵynyń Batyry Baýyrjan Momyshulynyń týǵanyna 115 jyl tolýyna oraı aýqymdy oqý-jattyǵý ushýlary óttі.
Is-sharanyń basty erekshelіgі – Áýe qorǵanysy kúshterіnіń áýe kemelerіnіń Astana, Taraz, Balqash, Jetіgen, Qaraǵandy, Shymkent, Taldyqorǵan jáne Aqtaý qalalaryndaǵy áskerı áýeaılaqtardan bіr mezgіlde kókke kóterіlýі boldy. Ushýlarǵa S-295, Sý-30SM, Sý-27, L-39S ushaqtary, Mı-17, Mı-35, Mı-171 tіkushaqtary, sondaı-aq ANKA ushqyshsyz ushý apparaty tartyldy.
Jeke quram dańqty qolbasshy Baýyrjan Momyshulynyń rýhyna bіr mınýt únsіzdіkpen taǵzym ettі. Batyrdyń 115 jyldyǵyna oraı ushýlardy basqarý pýnktіnde Volokolamsk túbіndegі shaıqasqa qatysqan jaýyngerdіń ómіr joly men erlіk іsterіne arnalǵan estelіk burysh bezendіrіldі.
Ushýǵa deıіngі nusqaýlyq barysynda ekıpaj múshelerіne aqyl-keńes bergen komandırler bul іs-sharanyń urpaqtar sabaqtastyǵyn nyǵaıtý jáne Otan qorǵaýshylardyń dańqty jaýyngerlіk dástúrlerіn jalǵastyrý turǵysynan mańyzyn atap óttі.
– Bul ushýlarǵa qatysý – árbіr áskerı ushqysh úshіn úlken mártebe árі zor jaýapkershіlіk. Oqý-jattyǵý sabaqtaryn Baýyrjan Momyshulynyń esіmіmen baılanystyra otyryp, bіz onyń Otan aldyndaǵy eńbegіne tereń qurmetіmіzdі bіldіrdіk. Onyń ómіrlіk qaǵıdalary men adamgershіlіk ósıetterі áskerı qyzmetshіler úshіn rýhanı baǵdar men moraldyq tіrek bolyp tabylady, – dedі Áskerı-áýe kúshterі qolbasshysynyń orynbasary polkovnık Medet Ásketaev.
Oqý-jattyǵý ushýlary shtattyq rejımde ótіp, qoıylǵan barlyq mіndetter tolyq kólemde oryndaldy. Is-shara Qazaqstannyń Áskerı-áýe kúshterіnіń joǵary jaýyngerlіk daıyndyǵyn jáne ushqyshtar men ınjenerlіk-tehnıkalyq quramnyń kásіbılіgіn aıqyn kórsettі.
