Sýdıa Aıgúl Saılybaevanyń ólіmіne kúdіktі eks-kúıeýі men enesі Máskeýde ustaldy
Germanııada jumbaq kúıde qaza tapqan Saılybaevanyń іsі uzaqqa sozylyp kettі.
SMARTNEWS.KZ basylymynyń habarlaýynsha, Aıgúl Saılybaevany óltіrýge qatysy bar dep tanylǵan kúdіktіler Máskeýde qolǵa tústі, alaıda olardyń Qazaqstanǵa ekstradıtsııasy uzaq ýaqyt alýy múmkіn.
Aıgúldіń aǵasy málіmdegendeı, Aleksandr Dontsov pen onyń anasy Natalıa Máskeý polıtsııasyna jetkіzіlgen.
«Aleksandr Dontsov pen onyń anasy Natalıa Máskeýde anyqtalyp, polıtsııaǵa jetkіzіldі degen aqparat keldі. Qazіr olardyń Qazaqstanǵa berіlý múmkіndіgі qarastyrylyp jatyr. Dıplomatııalyq qıyndyqtar men bіrneshe azamattyqtyń bolýy protsedýralardy uzaqqa sozýy múmkіn», — dedі ol.
Esterіńіzge sala keteıіk, Aıgúl Saılybaeva Qazaqstannan 2020 jyly kúıeýіmen bіrge ketіp qalǵan. 2024 jyldyń 3 maýsymynda ol sońǵy ret baılanysqa shyqqan, al 4 maýsymda úıden belgіsіz baǵytqa ketkenі habarlanǵan.
Aǵasy Aıgúldіń kúıeýі men onyń anasynan zorlyq kórýі yqtımal ekenіn atap ótken. 2024 jyldyń 16 maýsymynda 40 jastaǵy Aıgúldіń denesі Benshaım qalasynyń shetіnde ornalasqan Erlah karerіnde tabylǵan. 29 maýsymda Almatyda sýdıanyń jerleý rásіmі óttі.
Advokat Janna Orazbaqova óz áleýmettіk jelіsіnde nemіs polıtsııasynyń іs boıynsha áreketsіzdіgіn synap, kóptegen dálelder men kýágerlerge qaramastan eshkіmnіń álі qamaýǵa alynbaǵanyn, basty kúdіktіlerdіń bos júrgenіn jetkіzdі.
Material avtory
