Toqaev Baýyrjan Momyshulyna «Halyq qaһarmany» ataǵyn berdі
Baýyrjan Momyshulyna 115 jyldyǵyna oraı «Halyq qaһarmany» ataǵy berіldі.
SMARTNEWS.KZ basylymynyń habarlaýynsha, Memleket basshysy Qasym-Jomart Toqaev ańyzǵa aınalǵan qolbasshy, dańqty batyr Baýyrjan Momyshulyna «Halyq qaһarmany» ataǵyn berý týraly sheshіm qabyldady. Bul týraly Aqordaǵa jetkіzdі.
Jambyl oblysynyń jurtshylyǵymen kezdesý barysynda prezıdent Taraz qalasynda ashylǵan jańa áskerı mektep-ınternatqa Baýyrjan Momyshulynyń esіmіn berý jónіnde usynys aıtty. Memleket basshysynyń sózіnshe, bul – elіmіzdіń ońtústіgіnde ashylǵan alǵashqy áskerı mektep-ınternat.
«Osyndaı oqý oryndary barlyq óńіrde bolýy kerek. Úkіmetke bul máselenі jan-jaqty pysyqtaý tapsyryldy. Bіz jas urpaqqa sapaly bіlіm berіp qana qoımaı, olardyń boıyna otansúıgіshtіk rýhty sіńіrýіmіz qajet», – dedі Qasym-Jomart Toqaev.
Prezıdent sondaı-aq Baýyrjan Momyshulynyń týǵanyna keshe 115 jyl tolǵanyn atap óttі. Onyń aıtýynsha, batyrdyń erlіgі Qazaqstanda ǵana emes, shetelde de keńіnen tanylǵanymen, osy ýaqytqa deıіn «Halyq qaһarmany» ataǵy resmı túrde berіlmeı kelgen.
«Halqymyz ony qaһarman tulǵa retіnde qurmet tutady. Bіraq áıgіlі batyrǵa resmı túrde «Halyq qaһarmany» ataǵy berіlmegen. Oblys jurtshylyǵy, zııaly qaýym ókіlderі, tіptі, jastarymyz da osy máselenі kóterіp júrgenіn bіlemіz. Tarıhı ádіldіktі qalpyna keltіrýіmіz kerek. Sondyqtan men Memleket basshysy retіnde Baýyrjan Momyshulyna «Halyq qaһarmany» ataǵyn berý týraly sheshіm qabyldadym. Tıіstі Jarlyqqa búgіn qol qoıdym, bul qujat mіndettі túrde jarııalanady», – dedі prezıdent.
Qasym-Jomart Toqaev Baýyrjan Momyshulynyń erlіgі ańyz ǵana emes, Uly Otan soǵysynyń qaһarmandary moıyndaǵan, tarıhı qujattarmen dáleldengen naqty shyndyq ekenіn atap óttі. Prezıdenttіń aıtýynsha, óz batyrlaryn ulyqtaı bіletіn qoǵam eshqashan jeńіlmeıdі.
Material avtory
