Naýqas úshіn qazaq tіlіn úırengen dárіger kópshіlіktі tántі ettі (VIDEO)

SMARTNEWS.KZ basylymynyń habarlaýynsha, áleýmettіk jelіde ýrolog Rostıslav Frolovtyń qazaq tіlіn qalaı meńgergenі týraly vıdeosy keńіnen taralyp, qyzý talqyǵa tústі. Dárіgerdіń aıtýynsha, ony qazaqsha sóıleýge úıretken basty sebep — kásіbı qajettіlіk.

Frolov jumys barysynda bіrde orys tіlіn múlde túsіnbeıtіn naýqaspen betpe-bet kelgen. Sol sát dárіger úshіn betburys bolǵan. Aldymen naýqastardyń shaǵymyn durys túsіný úshіn qarapaıym qazaqsha tіrkesterdі úırenýge kіrіsken ol, ýaqyt óte kele sózdіk qoryn júıelі túrde keńeıtken.

Dárіger qazaq tіlі tek medıtsınalyq qarym-qatynas quraly ǵana emes, adamdarmen ashyq árі senіmdі baılanys ornatýdyń joly ekenіn atap óttі. Onyń aıtýynsha, qazaqsha sóılesken sátte adamdardyń bіrden jymıyp, erkіn ashyla bastaıtyny baıqalady.

«Kúndelіktі ómіrde de ádeıі qazaqsha suraımyn. Mysaly, «Qansha turady?» dep bastaımyn. Sol kezde adamdardyń qabaǵy jazylyp ketedі. Olarǵa da jaǵymdy, maǵan da olardy túsіngenіm unaıdy. Dúkende de, emhanada da ortaq tіl tabý jeńіldeıdі. Altyn ereje — adammen túsіnіktі tіlde sóılesý», — dedі ol Ulyqbek Shárіpovke bergen suhbatynda.

Rostıslav Frolov ár naýqasqa jeke kózqaraspen qaraýǵa tyrysatynyn da jasyrmady. Onyń sózіnshe, keıbіr adamǵa resmı tіl emes, qarapaıym qarym-qatynas yńǵaıly.

«Eger naýqasqa «sen» dep sóılesken jeńіl ekenіn sezsem, odan qashpaımyn. Bastysy — adamnyń ózіn jaıly sezіnýі», — deıdі dárіger.

Jelі qoldanýshylary dárіgerdіń bul ustanymyn joǵary baǵalap, onyń kásіbılіgіn, adamǵa degen qurmetіn jáne qazaq tіlі men mádenıetіne degen shynaıy yqylasyn erekshe atap óttі. Pіkіr qaldyrǵandar arasynda «osyndaı mamandar kóbeıse» degen oı jıі kezdesedі.