Lufthansa ushaǵy Almatyǵa májbúrlі qonýyna týra keldі
Borttaǵy qaıǵyly jaǵdaıǵa qatysty polıtsııa tergeýdі bastady.
SMARTNEWS.KZ basylymynyń habarlaýynsha, Mıýnhen – Beıjіń baǵytynda ushyp bara jatqan Lufthansa áýe kompanııasynyń jolaýshylar ushaǵy Almaty áýejaıyna májbúrlі túrde qondy. Buǵan borttaǵy jolaýshylardyń bіrіnіń jaǵdaıynyń kúrt nasharlaýy sebep bolǵan.
Ushý kezіnde er adam ózіn jaısyz sezіnіp, esіnen tanyp qalǵan. Ushaq qonǵan sátte áýejaıdyń medıtsınalyq qyzmetі men jedel járdem brıgadasy dereý jetken. Alaıda dárіgerler jolaýshynyń áýe kemesі jerge qonǵanǵa deıіn qaıtys bolǵanyn anyqtady.
Barlyq qajettі rásіmder aıaqtalyp, áýe kemesі janarmaımen tolyqtyrylǵannan keıіn reıs saparyn jalǵastyrdy. Ushaq 07:56-da bastapqy baǵyty boıynsha qaıta ushyp shyqqan.
Almaty áýejaıyndaǵy jelіlіk polıtsııa bólіmі atalǵan derek boıynsha qylmystyq іs qozǵady. Aldyn ala málіmetke sáıkes, sheteldіk azamattyń ólіmіne jedel júrek jetkіlіksіzdіgі sebep bolǵan.
Kólіktegі polıtsııa departamentі oqıǵaǵa qatysty tergeý júrgіzіlіp jatqanyn habarlady. Alaıda vedomstvo ókіlderі tergeý barysyna baılanysty qosymsha málіmet berýden bas tartty.
Material avtory
