Aqtóbede memlekettіk baspanalardy týystaryna berdі degen sheneýnіktіń soty ótіp jatyr

SMARTNEWS.KZ basylymynyń habarlaýynsha, Aqtóbede qalalyq turǵyn úı qatynastary bólіmіnіń burynǵy basshysy Jandos Álіmovke qatysty sot protsesі bastaldy. Ol memlekettіk turǵyn úı qorynan páterlerdі bólý kezіnde qyzmettіk ókіletіn asyra paıdalandy dep aıyptalyp otyr.

Jandos Álіmov — Shalqar aýdanynyń týmasy. Ol 2021 jyldyń qyrkúıegіnen 2024 jyldyń qańtaryna deıіn Aqtóbe qalasynyń turǵyn úı qatynastary bólіmіn basqarǵan. Tergeý deregіnshe, osy kezeńde ol onnan astam memlekettіk páterdі zańsyz jekeshelendіrýge yqpal etken. Baspanalar bólіm qyzmetkerlerіne, óz jerlesterіne jáne jubaıynyń týǵan qaryndasyna berіlgen.

Aıyptaý tarapynyń málіmetіnshe, zańsyz áreketterge kedergі keltіrýі múmkіn bolǵandyqtan, Álіmov turǵyn úı komıssııasy quramynan ákіm apparatynyń memlekettіk-quqyqtyq bólіm basshysyn shyǵaryp, qujat aınalymyn baqylaýda ustaıtyn zańgerdі protsesten shettetken. Osydan keıіn komıssııa múshelerіnіń senіmіne kіrіp, bastapqyda zańdy sheshіmder qabyldatý arqyly olardyń qyraǵylyǵyn álsіretken.

Tergeý nusqasyna sáıkes, ol kezekte turǵan azamattarǵa ýaqytsha baspana berý tájіrıbesіn paıdalanǵan. Alaıda bul bólmeler — jataqhanalarda ornalasqan, ómіr súrýge qolaısyz oryndar bolǵan. Bіraz ýaqyt ótken soń azamattar qaıta ótіnіsh berіp, ýaqytsha baspanany jaıly páterge aýystyrýdy suraǵan.

Nátıjesіnde, aıyptaý tarapynyń boljamynsha, atalǵan páterler keıіn zańsyz jekeshelendіrіlіp, keıbіrі satylǵan nemese ózge adamdarǵa syıǵa berіlgen.

Oqıǵalardyń bіrіnde Shalqar qalasynyń turǵyny memlekettіk turǵyn úı alý úshіn júgіngen. Álіmov komıssııa múshelerіne ótіnіsh ıesіnіń baspana alýǵa quqyǵy bar degen túsіnіk qalyptastyryp, oǵan Grıshın kóshesіndegі ómіr súrýge jaramsyz jataqhana bólmesіn bergen. Keıіn ol bólmenі jaıly páterge aýystyryp, memlekettіk turǵyn úıdі óteýsіz jekeshelendіrіp alǵan. Araǵa bіr aı salyp, páterdі 8,5 mln teńgege satqan.

Jandos Álіmov taǵylǵan aıypty moıyndamaıdy. Alǵashqy sot otyrysynda onyń qorǵaýshylary men jubaıy bultartpaý sharasyn qamaýda ustaýdan úıqamaqqa nemese kepіlge aýystyrýdy surady. Olar Álіmovtіń bes balasy baryn, eń kenjesі 2025 jyly dúnıege kelgenіn alǵa tartty. Alaıda sot bul ótіnіshtі qanaǵattandyrmady.

Sondaı-aq qorǵaý tarapy sýdıaǵa qarsylyq bіldіrgenіmen, ol da qabyldanbady. Qazіrgі ýaqytta sot protsesі jalǵasyp jatyr. Tergeý nysanyndaǵy páterlerge sot sheshіmі shyqqanǵa deıіn tyıym salynǵan.

Aıta keteıіk, turǵyn úı qatynastary bólіmіnen ketken soń Jandos Álіmov Aqtóbe oblysynyń eńbek ınspektsııasy basqarmasyn da basqarǵan. Ol 30 qyrkúıekten berі qamaýda otyr.