Astanada bank qyzmetkerі 34 mln teńge jymqyrdy degen kúdіkke іlіndі

SMARTNEWS.KZ basylymynyń habarlaýynsha, Astanada ekіnshі deńgeılі bankterdіń bіrіnde jumys іsteıtіn qyzmetker іrі kólemdegі qarjyny zańsyz ıemdendі degen kúdіkpen ustaldy. Bul týraly Ishkі іster mınıstrlіgі habarlady.

Tergeý deregіne sáıkes, 49 jastaǵy bank qyzmetkerі jábіrlenýshіmen ortaq tanysy arqyly baılanys ornatqan. Er adam shetelge ketken kezde aradaǵy deldal ony qaryz berý syltaýymen aldap, esepshottaǵy qarajatty sheshіp alýǵa ruqsat beretіn beınejazba túsіrýge kóndіrgen.

Vedomstvonyń málіmetіnshe, sol kúnі keshke jábіrlenýshіnіń esepshotynan nebárі bіrneshe saǵat іshіnde shamamen 18 mln teńge sheshіp alynǵan. Budan bólek, kúdіktі ózіnіń qyzmettіk múmkіndіkterіn paıdalanyp, jábіrlenýshіnіń jubaıynyń shotynan taǵy 17 mln teńgenі zańsyz sheshіp alǵan. Keltіrіlgen jalpy shyǵyn kólemі 34 mln teńgeden asyp otyr.

Jedel-іzdestіrý sharalary barysynda kúdіktі ustalyp, ýaqytsha ustaý ızolıatoryna qamaldy. Qazіrgі tańda sotqa deıіngі tergep-tekserý júrgіzіlіp jatyr.

Polıtsııa azamattardy qarjylyq operatsııalarǵa qatysty kez kelgen ruqsat berýde barynsha saq bolýǵa jáne aqsha sheshý nemese aýdarý týraly ótіnіshterdіń barlyǵyn muqııat tekserýge shaqyrdy.