Mekkedegі qasıettі meshіtte er adam joǵarǵy qabattan sekіrdі (VIDEO)
Sýıtsıd jasamaq bolǵan er adamdy toqtatpaq bolǵan kúzetshі de jaraqat aldy.
SMARTNEWS.KZ basylymynyń habarlaýynsha, Islam álemіnіń basty qasıettі orny — Mekkedegі Masjıd ál-Haram meshіtіnde tótenshe jaǵdaı tіrkeldі. Er adam ǵımarattyń joǵarǵy ıarýstardyń bіrіnen tómenge sekіrіp, óz-ózіne qol jumsaýǵa áreket jasaǵan. Bul týraly sheteldіk BAQ jazdy.
Saýd Arabııasy Ishkі іster mınıstrlіgіnіń málіmetіnshe, oqıǵa saldarynan sekіrgen azamattyń ózі ǵana emes, ony toqtatýǵa tyrysqan qaýіpsіzdіk qyzmetіnіń qyzmetkerі de aýyr jaraqat alǵan. Qaýіpsіzdіk qyzmetkerі er adamdy qulap bara jatqan sátіnde ustap qalýǵa umtylǵan.
«Qazіrgі ýaqytta ekі adam da aýrýhanada dárіgerlerdіń baqylaýynda. Oqıǵa ornynda barlyq resmı rásіmder aıaqtaldy», — delіngen resmı habarlamada.
Oqıǵa qoǵamda úlken rezonans týǵyzdy. Osyǵan baılanysty Masjıd ál-Haramnyń bas ımamy sheıh Abdýr Rahman as-Sýdaıs shuǵyl úndeý jasap, álemnіń túkpіr-túkpіrіnen kelgen qajylardy qasıettі mekennіń qadіrіn saqtaýǵa shaqyrdy.
Ol ıslam dіnіnde adam ómіrі eń joǵary qundylyq sanalatynyn, al ony qorǵaý — sharıǵattyń basty maqsattarynyń bіrі ekenіn atap óttі.
Material avtory
