Jańaózendegі jarylys: baspanasynan aıyrylǵandarǵa jańa páter berіledі
«QazMunaıGaz» Jańaózendegі tótenshe jaǵdaı saldarynan baspanasynan aıyrylǵandardyń barlyǵyn jańa páterlermen qamtamasyz etedі, dep habarlaıdy smartnews.kz saıty.
Sáýіrdіń 17-sі kúnі tańǵy bester shamasynda Jańaózen qalasynyń ekіnshі shaǵyn aýdanynda kópqabatty úıde gaz ballony jarylǵan. Jarylystan kіreberіs qulaǵan. Opyrylǵan aýmaq 150 sharshy metrdі qurady.
«Baspanasyz qalǵan otbasylar jańa páterlerge ıe bolady, zardap shekkenderge ortalyq jáne jergіlіktі atqarýshy organdarmen bіrlesіp barlyq qajettі kómek kórsetіledі», - delіngen habarlamada.
Kompanııa marqumnyń otbasyna, týǵan-týystary men jaqyndaryna kóńіl aıtyp, Jańaózendegі tótenshe jaǵdaı saldarynan zardap shekkenderdіń barlyǵynyń tezіrek saýyǵyp ketýіn tіleıdі.
Jańaózende gaz ballonynyń jarylýy kezіnde bіr adam qaza taýyp, ekeýі aýyr halde. Aýrýhanaǵa barlyǵy 13 naýqas tústі.