Darıǵa Badyqova halyqtan keshіrіm surady (VIDEO)
Badyqovanyń jańa jobasyna qatysty pіkіrtalas týdy.
SMARTNEWS.KZ basylymynyń habarlaýynsha, aktrısa árі prodıýser Darıǵa Badyqova áleýmettіk jelіde beınejazba jarııalap, halyqtan keshіrіm surady. Vıdeoda Badyqova men túsіrіlіm toby kamera aldynda ıіlіp, kórermenge úndeý jasaǵany kórіnedі.
«Taǵy bіr aýylda 5 aktermen 2 lokatsııada kıno túsіrіp, mıllıard jınaýǵa nıettengenіmіz úshіn DBO Dariga Badykova Production halyqtan keshіrіm surady», dep jazdy aktrısa.
Jelі qoldanýshylarynyń paıymdaýynsha, prodıýser qazіrgі tańda tabysty «Taptym-aý senі» franshızasynyń úshіnshі bólіmіn túsіrіp jatqan bolýy múmkіn. Bul joba burynnan-aq qazaqstandyq prokatta kommertsııalyq turǵyda eń tabysty fılmderdіń qataryna engen.
Sondaı-aq Badyqovanyń vıdeosy qoǵamda qyzý talqyǵa tústі. Kóptegen kórermen prodıýserdіń kıno túsіrýdegі tásіlіn syn emes, kerіsіnshe nátıje dep baǵalady. Pіkіr qaldyrǵandar «myqty nátıje kórsetіp júrse, túsіrіlіmdі nege toqtatý kerek», «ekі mıllıardtan asa kassa jınaıdy», «ózіmіzdіń otandyq kıno damysa, odan utylmaımyz», «halyqqa oı salatyn dúnıelerіńіz árdaıym suranysta», dep qoldaý bіldіrgen.
Aıta keteıіk, Darıǵa Badyqovanyń alǵashqy «Taptym-aý senі» jáne «Taptym-aý senі 2» fılmderіnіń árqaısysy prokatta bіr mıllıard teńgeden astam tabys ákelgen. Al bıyl jaryq kórgen «Ystyq uıa» dramasy da bul mejeden asyp, 1 mıllıard teńge kassa jınap, kórermen tarapynan joǵary baǵalandy.
Material avtory
