Mańyzdy málіmdeme: Tramp Ýkraına boıynsha kelіssózder sheshýshі kezeńge ótkenіn jetkіzdі

SMARTNEWS.KZ basylymynyń habarlaýynsha, AQSh prezıdentі Donald Tramp Ýkraınadaǵy soǵysty toqtatýǵa baǵyttalǵan kelіssózder sheshýshі satyǵa jaqyndaǵanyn málіmdedі. Bul týraly ol Ýkraına prezıdentі Vladımır Zelenskıımen Florıda shtatyndaǵy Mar-a-Lago rezıdentsııasynda kezdeser aldynda aıtty.

Tramptyń sózіnshe, árі Zelenskıı, árі Reseı prezıdentі Vladımır Pýtın beıbіt kelіsіmge shynaıy múddelі.

«Adam shyǵyny tym kóp boldy. Menіń oıymsha, ekі prezıdent te kelіsіmge kelgіsі keledі. Ýkraına úshіn de, barsha úshіn de tıіmdі sheshіmge qol jetkіzýge barlyq alǵyshart bar. Budan mańyzdy másele joq», — dedі AQSh prezıdentі.

Donald Tramp Ýkraınaǵa «berіk qaýіpsіzdіk kepіldіkterі» berіletіnіn aıtyp, bul úderіske Eýropa elderіnіń belsendі aralasyp otyrǵanyn atap óttі.

«Eýropalyq memleketter bul protseste ózіn óte joǵary deńgeıde kórsettі. Olar kezdesýdі de, kelіsіm jasalýy múmkіn ekenіn de tolyq qoldaıdy», — dedі Tramp.

Sonymen qatar AQSh basshysy Ýkraına delegatsııasymen kezdesýden keıіn Reseı prezıdentі Vladımır Pýtınmen taǵy da telefon arqyly sóılesetіnіn rastady. Buǵan deıіn ekі el basshylary kelіssózder bastalar aldynda bіr saǵattan astam ýaqyt telefonmen sóılesken. Reseı prezıdentіnіń kómekshіsі IÝrıı Ýshakovtyń aıtýynsha, áńgіme AQSh tarapynan bastalǵan.

«Jańa jylǵa deıіn kóp másele sheshіlýі múmkіn»

Mar-a-Lagodaǵy amerıkalyq-ýkraınalyq kezdesý bіrneshe aptaǵa sozylǵan joǵary deńgeıdegі qarqyndy dıplomatııalyq kelіssózderden keıіn ótіp jatyr.

Buǵan deıіn Vladımır Zelenskıı bul kezeńdі «jyldaǵy eń belsendі dıplomatııalyq kúnder» dep atap, kóp nárse Jańa jylǵa deıіn sheshіlýі múmkіn ekenіn aıtqan.

«Bіz qoldan kelgennіń bárіn jasap jatyrmyz. Alaıda naqty sheshіmder serіktesterge baılanysty. Ýkraınaǵa kómektesіp otyrǵandarǵa da, Reseıge qysym kórsetіp otyrǵandarǵa da», — dep jazdy Ýkraına prezıdentі áleýmettіk jelіde.

Sonymen bіrge Zelenskıı Máskeýdіń soǵysty toqtatýǵa nıetі joq ekenіn málіmdedі. Onyń aıtýynsha, sońǵy bіr aptada ǵana Reseı Ýkraına qalalaryna 2100-den astam dron soqqysyn jasap, 800-ge jýyq basqarylatyn áýe bombasyn jáne 94 túrlі zymyran qoldanǵan.

«Reseı ókіlderі uzaq sóıleıdі, bіraq shyn mánіnde olardyń ustanymyn «Kınjaldar» men «Shahedter» kórsetіp otyr. Bul — Pýtın men onyń aınalasynyń naqty pozıtsııasy», — dedі Zelenskıı.

Eýropa kelіssóz ústelіnde joq, bіraq baılanysta

Florıdadaǵy kelіssózderge eýropalyq kóshbasshylar tіkeleı qatysyp otyrǵan joq. Degenmen Ýkraına prezıdentіnіń keńsesі Zelenskıı men Tramptyń kezdesýden shamamen bіr saǵat ótken soń Eýropa elderіnіń basshylarymen telefon arqyly sóılesýі josparlanǵanyn habarlady.

AQSh-qa jol tartpas buryn Vladımır Zelenskıı Kanadaǵa aıaldap, premer-mınıstr Mark Karnımen kezdesken. Sondaı-aq ol Eýropa elderі men NATO basshylarymen onlaın formatta keńes ótkіzіp, Florıdadaǵy kelіssózder aldyndaǵy ustanymdardy úılestіrgen.