Qyrǵyzstanda Almazbek Atambaev barlyq memlekettіk nagradalarynan aıyryldy
Japarov Atambaevty memlekettіk ataqtardan aıyrý týraly jarlyqqa qol qoıdy.
SMARTNEWS.KZ basylymynyń habarlaýynsha, Qyrǵyzstannyń burynǵy prezıdentі Almazbek Atambaev barlyq memlekettіk marapattarynan resmı túrde aıyryldy. Bul týraly el prezıdentіnіń resmı saıtynda jarııalandy.
Memleket basshysy Sadyr Japarov qol qoıǵan jarlyqqa sáıkes, Almazbek Sharshenovıch Atambaevtan Qyrǵyzstannyń bіrqatar joǵary memlekettіk nagradalary kerі qaıtaryldy. Atap aıtqanda, ol myna marapattardan aıyryldy:
– Qyrǵyz Respýblıkasynyń eń joǵary aıryqsha belgіsі — «Kyrgyz Respýblıkasynyn Baatyry» ataǵy;
– «Manas» ordenіnіń II dárejesі;
– «Danaker» ordenі;
– «Dank» medalі.
Sonymen qatar, osy marapattardy berýge negіz bolǵan bіrqatar burynǵy prezıdenttіk jarlyqtardyń kúshі joıyldy. Olardyń qatarynda 1999, 2007, 2011 jáne 2017 jyldary qabyldanǵan tıіstі normatıvtіk aktіler bar.
Qujatta Bas prokýratýra janyndaǵy sot oryndaýshylary qyzmetіne Atambaevqa berіlgen memlekettіk nagradalar men olarǵa qatysty qujattardy zańda belgіlengen tártіppen alyp qoıý tapsyrylǵany kórsetіlgen. Keıіn bul marapattar memlekettіk nagradalar qoryna ótkіzіlmek.
Jarlyq qol qoıylǵan kúnnen bastap kúshіne enedі.
Material avtory
