Depýtat Nazarbaevtyń elden shyǵýyna tyıym salýdy usyndy

SMARTNEWS.KZ basylymynyń habarlaýynsha, Májіlіs depýtaty Ermurat Bápı memlekettіk qaýіpsіzdіktі qamtamasyz etý maqsatynda memlekettіk qupııalarǵa qanyq burynǵy joǵary laýazymdy tulǵalardyń shetelge shyǵýyn zańnamalyq deńgeıde retteý máselesіn kóterdі.

Depýtattyń aıtýynsha, eks-prezıdentter, mınıstrler jáne ózge de joǵary qyzmet atqarǵan tulǵalar el qaýіpsіzdіgіne tіkeleı áser etetіn aqparatqa ıe. Osyǵan baılanysty olardyń elden tys saparlary baqylaýsyz qalmaýy tıіs.

Ermurat Bápı bul máselege qatysty óz ustanymyn áleýmettіk jelіdegі jazbasynda ashyq bіldіrdі.

«Bul ne qylǵan súmeńdegen júrіs?! Kezіnde jeke ózі bılep-tóstep, bіr shybyqpen aıdaǵan halqy pana bolmaıtynyn sezgen soraqynyń qorlyǵy ǵana ma? Álbette bul tіlenshektіk Qazaqstanǵa, qazaqqa qaraılas qareket emes, ádettegіdeı toıymsyz jeke bastyń qamy bolsa kerek! Sondyqtan eldіń qaýіpsіzdіgіn qamtamasyz etý maqsatynda memlekettіk qupııany bіletіn tulǵanyń (eks-prezıdent bolsyn, mınıstr nemese basqa da laýazymger bolsyn) shet elge shyǵý múmkіndіgіn retteıtіn zań qajet shyǵar. Qalaı oılaısyńdar, zańger-depýtat árіptester, bіz osyndaı zańǵa bastamashylyq jasaı alamyz ba», – dep jazdy depýtat.

Sonymen qatar ol mundaı shekteýlerdіń Qazaqstannyń halyqaralyq mіndettemelerіne qaıshylyǵy bar-joǵyn da kóterdі.

«Qytaıdaǵy sııaqty shetke shyǵýdy shekteıtіn zań bіzdіń eldіń halyqaralyq mіndettemelerі men memleketaralyq konventsııalarǵa qanshalyqty qaıshy kelýі múmkіn?», – dep saýal tastady Bapı.

Depýtattyń pіkіrіnshe, halyq qalaýlylary da memlekettіk qupııaǵa qatysty belgіlі bіr shekteýlerge baǵynýǵa tıіs.

«Al buǵan jáne Qojamjarov sııaqty basqalarǵa eldіń qaýіpsіzdіk qamyna oraı kúnіburyn shekaralyq “qyzyl jalaýsha” qoıýǵa bolmaı ma? Bul qabyldaýdyń saıası mazmunyn Kreml qalaı qabyldaıtynyn qaıdam, al eks-prezıdenttіń іshіndegі "qyzyl ıtі" eldіń memlekettіk bılіgі men Qazaqstan halqyna ses kórsetýі dep túsіnemіz be», – delіngen jazbada.

Aıta keteıіk, buǵan deıіn Nursultan Nazarbaev Reseı prezıdentі Vladımır Pýtınmen Kremlde kezdesken bolatyn. Alaıda taraptar qandaı máselelerdі talqylaǵany resmı túrde jarııalanǵan joq.