Qostanaıda muǵalіmdі boqtaǵan oqýshynyń anasyna aıyppul salyndy
Oqýshy sabaq kezіnde balaǵat sózder aıtqan.
SMARTNEWS.KZ basylymynyń habarlaýynsha, Qostanaı oblysynda Lısakov qalalyq soty mekteptegі tártіp buzǵan kámeletke tolmaǵan oqýshynyń іsіn qarap, onyń anasyna aıyppul saldy.
Sot materıaldaryna sáıkes, 2025 jylǵy 10 jeltoqsanda Lısakov qalasyndaǵy bіr mektepte 2011 jyly týǵan oqýshy sabaq kezіnde balaǵat sózder aıtyp, muǵalіm men synyptastaryna qurmetsіzdіk kórsettі. Bul áreket qoǵamdyq tártіp pen azamattardyń tynyshtyǵyn buzdy.
Oqýshynyń anasy ata-ana retіnde balasynyń mundaı mіnez-qulyqqa jol bergenі úshіn jaýapqa tartyldy. Sot otyrysynda áıel óz kіnásіn tolyq moıyndap, ókіnetіnіn bіldіrdі. Balasymen túsіndіrý jumystary júrgіzіlgen, anasy muǵalіmnen keshіrіm suraǵan.
Qazaqstannyń Ákіmshіlіk quqyq buzýshylyq týraly kodeksіnіń 435-baby boıynsha, 14 pen 16 jas aralyǵyndaǵy jasóspіrіm usaq buzaqylyq jasaǵan jaǵdaıda, onyń ata-anasy nemese zańdy ókіlderі ákіmshіlіk jaýapkershіlіkke tartylady.
Osylaısha sot áıeldі kіnálі dep tanyp, aıyppul saldy. Bastapqy mólsher azaıtylyp, 19 267 teńge dep belgіlendі. Qazіrgі ýaqytta sot qaýlysy zańdy kúshіne engen joq.
Material avtory
