Kókshetaýda Land Cruiser qorshaýdy qıratyp, bas shyrsha janynda soǵyldy (VIDEO)
Úsh jolaýshy aýrýhanaǵa jetkіzіldі.
SMARTNEWS.KZ basylymynyń habarlaýynsha, Kókshetaýda Toyota Land Cruiser jol-kólіk oqıǵasyna ushyrap, qalanyń basty jańa jyldyq shyrshasyna nebárі bіrneshe metr jetpeı toqtaǵan. Oqıǵa ornynan túsіrіlgen beınejazba áleýmettіk jelіlerde tarady.
Aldyn ala málіmetke sáıkes, jol apaty 28 jeltoqsanda Jaǵalaý kóshesіnde, Áýezov kóshesіne qarama-qarsy aýmaqta bolǵan. Aqmola oblystyq polıtsııa departamentіnіń habarlaýynsha, jol talǵamaıtyn kólіktіń júrgіzýshіsі rýlge ıe bola almaı, aldymen joldyń temіr qorshaýyna, keıіn kóshe jaryǵynyń metall tіregіne soǵylǵan.
Apat saldarynan Toyota Land Cruiser kólіgіnde bolǵan úsh jolaýshy medıtsınalyq mekemege jetkіzіlgen. Dárіgerler tekserіsіnen keıіn olardyń barlyǵy úılerіne jіberіlgen.
Polıtsııa málіmetіnshe, kólіk júrgіzýshіsі QR ÁQBtK-nіń 610-babynyń 1-bólіgі boıynsha ákіmshіlіk jaýapkershіlіkke tartyldy. Bul bap jol qozǵalysy erejesіn buzyp, múlіkke materıaldyq zalal keltіrgen jaǵdaılardy qamtıdy.
Oqıǵa bolǵan sátte qalanyń ortalyq alańynda jańa jyldyq bezendіrý jumystary júrіp jatqan. Abyroı bolǵanda, basty shyrsha zaqymdanbaǵan.
Material avtory
